[جورية القسام]

السلام عليكم

جبتلكم اليوم حلا بارد

وهو حلا النسكافيه

بتمنى يعجبكم

المكونات ::
2 باكيت بسكويت شاي سادة

كريمة دريم ويب أو الكريم شانتيه..

نسكافيه
كاسة حليب سائل أو 3 ملاعق كبيرة حليب بودرة مدوبين بكاسة مي..
باكيت كريم كراميل....
الطريقة :


أول شي نجهز ملعقة نسكافيه صغيرة او كبيرة وكاسة مي وباكيت كريم كراميل نغليهم على النار لحتى دابو كويس وجمدو شوي بس وبعدين نرفعه على جنب ليبرد شوي....





وبعدين نجهز الكريمة وهي خفق الحليب البارد مع الكريم شانتيه او الدريم ويب ونضيفلهم ملعقة صغيرة نسكافيه ونخفقهم كويس بمضرب الكهرباء لحتى صارت الكريمة جاهزة..



وبعدين بصينية بايركس بنغمس البسكويت بالحليب ونرصو



وبعدين بنضيف طبقة من الكريمة وبعدين بنحط طبقة تانية بسكوت وحليب وبنرجع بنحط فوقهم كريمة ...(عدد الطبقات متل ما بتحبو)...



وآخر شي بنضيف الكريم كراميل والنسكافيه على وجه الصينية (فوق الكريمة) وهاي بتكون آخر طبقة... وبتدخلوها التلاجة لتبرد كويس قبل التقديم





بتمنى تعجبكم

منقوول مع بعض التعديل