[فلسطينيه والراس مرفوع]

ماهينـــآآآآآآآآآز

موضوع من الآخر واقعي وحلوووو

معك حق بكل كلمة قلتيها ..

الناس بتخاف تحكي بالسياسة وبتبعد عنها

السبب :-

بختلف السبب من دولة لتــآنية

يعني لو يتجي لفلسطين متلا

عندك الضفة وغزة

ممنوع بالضفة اتجيبي سيرة واحد من الوزرا ولا الرؤسا ولا غيرهم ازا كان من حزب السلطـــة ..

واللي بفتح تمو بكلمة بروح فيها

ع السجن دغـري

طبعا كلمة ضد الحكومة والحزب اللي حاكمنا .. بس غير هيك ما الهم علاقة

بغزة ما بعرف كيف بس اكيد ما ضل حدا الا وحكى بالسياسة

يعني فيكي اتقولي

بفلسطين الكل بحكي فيها والزغير قبل الكبير كمان..

لانو صار جزء من واقعنا واهتمامنا

بس المشكلة انو في خوف من الحكومة

لرة انو صار ابداء راي سياسي بعرض حياتك للخطــر ..

هاد بفلسطين

بالاردن متلا .. 70% من السكان المواطنين بخاااااااااااافو يحكو عن الحكومة وبخاوف ينتقدوها

طبعا الخوف.. من العقاب... لانو الحكومة ما بتحب حدا بنتقدها

وبتعرف انو الشعب مش راضي عنها >>>>أغلب حكوماتنا هيك والحمد لله

عشان هيك بتقمعه بالقوة وما بتخليه ايعبر عن رايو ..

بشكل عام .. الناس ما بتحكي بالسياسة خووف من الحكومة ..

خوف من العقاب ..

المعظم هيك

يعني انا ما بعرف كيييف حدا بعيش بالوطن العربي وما بحكي بالسياسة ؟؟

هاي انا بنت .. يعني لا سياسية ولا صحفية ولا بطيخ مبسمل

ومع هيك هوااااااااايتي احكي بالسياسة واناقش واجادل

لدرجة انهم بابا وماما وكل العيلة بسألوني شو اخباار العالم اليووم ..

دايما مبلطة قدام التلفزيون وأحضر .. أخبااار

هاد واقعنا وهاد المفروض علينا ..

شو نعمل يعني

لو يتركونا ع راحتنا انعبر عن راينا بتلاقي الكل الكل بدون استثناء بحكي بالسياســة

هاي كلها وجهـة نظـــر

يسلمو ماهينــآز موضوع حلو من الآخـــر