[limar]

بـــــــــــــــاك


للاسف ما ئدرت اعمل اكل صيني

عملتلكم اكلة تانية

بروست او بروستد مع بطاطا مئلية وسلطة كولسلو

طبعا واكيد بمساعدة ماما

بس والله اني اشتغلت فيهم منيح

المهم ما راح ائعد احكي المقادير وما بعرف شو راح احي الخطوات مع الصور وبتشوفو المقادير بالشرح


هلاء اول شي الجاج المئطع لازم يتنضف مشان ما يزنخ

احنا منضفو بخل وزيت زيتون وطحين ومنغسلو تحت المي وطبعا ماما نضفتو

وبعد الغسيل حطيت الجاج بجاط وبلشت المقادير استعدو



الاشيا الي حطيتها

بهارات الجاج

بهارات النودلز

صويا صوص

بابريكا

خل اي نوع خل ما بتفرء

طحين

هلاء ما حطيت ملح ولا ليمون لانو الصويا صوص بتكفي عن الملح والليمون

ازا بدنا نحط ملح وليمون بيطلع الطعم اوفر يعني

ما علينا المهم

هلاء هاي المقادير بتخلطوها كلها مع بعض

ومنغمس الجاج فيها

او العكس متل ما بتحبو

وبتطلع الصورة هيك






بتتركوه ينتئع شوي

وبعدين بتئلو الجاح لحتى يصير لونو اشئر وبتضلو تشيكو عليه لصير بني فاتح

راح فرجيكم كيف بيطلع باخر الموضوع





هلا جبت بطاطا جاهزة لانو بتطلع اطيب من البطاطا الي منعملها بالبيت

البطاطا الجاهزة اكيد بتعرفوها بتكون مئلية نص ئلية ومفرزة





وهي البطاطا بعد الئلي









هلاء بالوئت الي عم ينئلى الجاج فيه كنت عم حضر سلطة كولسلو

هاي راح اشرحلكم ياها بالتفصيل لانو زاكية كتير ومو كل الناس بتعرف تعملها

عبارة عن ملفوف وجزر

منجيب الملفوف ومنئطعو ئطع متوسطة لصغير

والجزة نفس الشي

متل هيك





هلاء منحطهم بخلاط مشان نبرشهم

هي الخلاط





وبعد الخلط بصيرو بهالشكل





هلاء بدهم غسبل طبعا

غسلتهم بمي وملح مشان ينضفو منيح

وبعد هيك حطيتهم بجاط وخلطتهم وبلشت اضيف عليهم الاشيا الي بدي اضيفها

نقوم باضافة القليل من اللبن

ونصف كأس حليب

مايونيز حسب الرغبة تشيس

بس انا استخدمت مايونيز لايت

سكر حسب الكمية الي عامنيلنها ما تسالوني اديش

لانو ما راح اعرف

حطيت حسب الكمية الي عملتها شيي 4 معالئ

معلئتين كبار خل

نص معلئة صغيرة ملح


المهم بعد ما انضيفهم منخلط الملفوف والجزر معهم

وهي الشكل النهائي








هلاء بكون استوى الجاج

وبالاخر حضرتلكم صحن

والز من كنتاكي

وصحة وهنا مع روان كاكي تشيس






وهي الصورة عن ئريب






شو رأيكم تسيس

انشالله يكون عجبكم

وصحة وهنا