[فلسطينيه والراس مرفوع]

بعدين معكــم ؟!!

ليش بتدخلو دايمــآ بهاي المواضيــع وبتعملو مشاكل هيــك

فتح وحمااس وحماااس وفتح

شو هالوضع هــآدهـ

المهم .. نيجي لرأيي بالموضوع ..

أنا مش ضد حركــة فتح .. ولا ضد مبدأ فتح ..

لأنو لما فتح اتأسست .. كان أساسها المقاومة والجهـــآد ..

وتأسست على اساس انو "فتح الرصــآصة الأولـــى"

بس اللي صار انو من سنـة ال65 لليـــوم .. صار مسموح لأي حدا ينضم لهاي الحركة وايكون عضو فيهــآ ..

سواء مسيحي .. مسلم .. أو غير هيك .. المهم انو بدو ايقاوم ..

لهيك صار عنا بالحركــة روس كبيــرة بالفســـآد وصارو يستغلو التنظيــم بدل ما كان للمقاومة ..

صار للفســـآد ..

واتنازلو عن أهم بند من البنود والمواثيق تبعة الحركــة وهو "المقاومة وحق الكفاح المسلح" ..

يعني بطل في مقاومة عند فتح ..

وصـــآر كبار الحركـة كلهم عملا وخاينيـــن وايد لامريكا بالمنطقــة ما بيعملو غير اللي بدها اياهـ وما بحكو غير اللي بدها اياهـ بردو

واكتيييييييير اكتيييييييير فتحاوييــن مش راضيين عن اللي بتعملو فتح هلأ ..

صح يا جرح بملامح انسان ولا لأ ؟

انا متأكدة انو اكتر من نص الفتحاوية مقهوورين ومش عاجبهم الخيانة العلنية اللي بتقوم فيها الحركـــة

حتى كبارية فتح اللي برهـ فلسطين بدهم اعادة تشكيل وتنظيم للحركة من جوا .. لأنها خربااااااااانة وهمي مدركين هيك اشي ..

وبتزكر جملة حكاها مرة مــؤيد - الله ايسهلله - قال إنو "احنا والفتحاويين بنحب بعض وبنتمنى ايسير سلاام واتفاق بيننا بس المشكلة بالخونة اللي متحكمين بالمنظمـــة " .... احنا والفتحاويين مش احنا وقاادة فتح

بالنسبــة لحمــآس .. ورأيك يا هيناتا انها حقــد أسوود

هــآد عيــب ..

احنا كانت عنا حماس بالضفــة قبل ما اتروح ع غــزة..

كانت حركة ماشالله عليهــآ .. ما بشوف حدا متدين الا ايكوون من حمــآس ..

الله يرحمهم برحمتو هلأ نصهم بسجون الأمن الوقائي تبعة دايتــون ..

يعني معقول ناس متلهم بس راحو ع غزة صارو مجرميــن وقتلــة ؟؟؟!!!!

ما بتوقع .. اصلا اشي زي هيك ما بدخل العقـــل !!

انا ما بعرف شو بسير بغزة .. يمكن حماس الها اخطائها وعليها كم نقطـة .. بس ما بسير نقلبها حركة وميليشااات ومنظمة ارهابيــة ضد الفتحاويين !!

حرآم .. حماس ليش عملو حرب عليها من تلات شهوور غير لأنها ..

متمسكة ثوابتها وبسلاح المقاومة ..

ليش ليعملو عليهــآ حرب غير انها مش راضية لا اتبيع ارض ولا عرض ولا دين ولا تعترف باسرائيل .. ؟

والله لولآهــآ .. كااان زمان ضاعت فلسطين

اخر شي بحب احكيه .. انو انشالله فتح بترجع للطريــق الصح والصراط المستقيم ..

وبترجع لخيــآر المقاومة لأأنو ما في غيرو لحل قضيتنـــآ ..

وانتو ..

كل اللي هوون

شيلو هالأفكار السودة من روسكـــم ..