رد: سلبيات المنتدى للمناقشة (....)
طيب بعد اذنك يا حسام هاخد رد تانى إذا ما فى مانع
::
اكيد المنتدى بيتأثر بأعضاءه انا معاكم
بس انا كمان بشوف انو فى عوامل اخرى بتأثر على المنتدى غير الاعضاء
على سبيل المثال الاجواء السياسية والاجتماعية
وطبعا ده له تأثير واضح على المواضيع المطروحة
يعنى اكيد المواضيع المطروحة غالبا بتناسب الفترة المرهونة بوجود الموضوع
بس ده مش موضوعنا إذا جينا للأعضاء
انا ما انكرش انى بلاحظ انو فى اعضاء عمرهم صغير وتفكيرهم شوى منصب فى مرحلتهم العمرية وبس
لكن بردوو فى أعضاء كتير بسم الله ماشاء الله رغم صغر سنهم بس على دراية كبيرة بالعلم والاوضاع وما إلى ذلك
كلهم ثقافة ووعى ويمكن اكتر من الاكبر منهم سننا
،، وبالمقابل فى اعضاء سنهم كبير بالمقارنة بغيرهم من ذوى الاعمار الصغيرة ومع ذلك بيكونوا تفكيرهم محدود فى نطاق معين
يعنى انا شخصيا بأختصار مش بشوف انو العمر له تأثير واضح فى تطور او إنحدار مستوى المنتدى
::
إذا جينا بقى للسلبيات
فبصراحة ترجع فى المقام الاول ومن وجهة نظرى الشخصية للأعضاء جدد وقدامى فى طرح الموضوع وحتى فى الردود
على سبيل المثال مفيش التزام بقوانين القسم ،، واعتقد انو فى اعضاء مبيكلفوش نفسهم يمروا على القوانين
يعنى مثلا فى اعضاء بينزلوا فى اليوم فى المنتدى الواحد اكتر من موضوعين مع ان ده مخالف للقوانين
ده غير المواضيع اللى بتنزل فى مكان غير مكانها الصحيح
وكل ده كوم والمنتدى العام كوم تانى
بصراحة وضعه غريب جدا
كل يوم بيكون مليان بكمية مواضيع جديدة ماشاء الله لا حصر لها
وأحيانا بتكون كلها بتصب فى معنى واحد
ناهيك عن كون الموضوع منقول حرفيا
مش مشكلة انو منقول بس بالكمية ديه غير انو كمان بيتكرر اكتر من مرة بنفس الشكل ونفس المضمون
::
طبعا ده غير منتدى الحوار الحر
بصراحة اول ما سجلت فى المنتدى كان حوار بجد (حوار من الطراز الاول) كان بيعجبنى طريقة طرح المواضيع وطريقة النقاش
لكن دلوقت بصراحة انا شخصيا بشوف انو غالبية المواضيع المطروحة للنقاش ..
مجرد رأى شخصى انا شخصيا بحس انها مش هتفيدنى كتير ،، وياريت بنوصل لرأى صح
فالأول وفى الاخر بيضل كل واحد متمسك برأيه ورافض انو يغيره مهما وجد من ادلة
::
ده غير الاقسام الفلسطينية اللى بصراحة حالها بقى يبكى ،، فى إنحدار تام بالمقارنة ببقيت الاقسام
،،
بس بالأخر رغم كل السلبيات بيضل المنتدى إلو مكانة عند الكل
وانا شخصيا مازلت بشوفه افضل منتدى
وإنشالله يرجع افضل من الاول كمان
تحياتى
|