[السيف عدي]

انا بدي ائلكم مثال بسيط من واقع الحياة ..

اليوم كنت في الشغل وكنت رايح ع مكتب تاني اجيب شغلة لئلي ..

ولما فت المكتب لئييت الموظف اللي بدي اياه مش موجود وقالولي راح ع قسم الكمبيوتر ..

كان في بنت قاعدة هناك .. قبل هيك اجت لعندي ع القسم ميشان معاملة لئلها وخلصتلها اياها ..

هالبنت بعد ما سلمت عليها وهيك .. مشيت معي لعند الاسنسير وبلشت تسألني كيف البنك ومبسوط ولا لأ ..

ووين كنت تشتغل قبل .. ومن هالحكي .. هلأ انا كشب عارف انو هالبنت مرتاحة لئلي ومعجبة فيا من قبل ..

حتى من المرة الاولى .. من طريقة الكلام ممكن افهم هي شو شعورها ومن طريقة التعامل ببين كل شي ..

يعني هي عبرت عن اعجابها بطريقة غير مباشرة .. ومش ضروري تقولي كاش انا معجبة فيك مشان الله تعا اتجوزني ..