رد: % كم مرة انكتب لك عمر ثاني ؟؟!! %
اممم
بتزكر اكتر من مرة
انا وصغيرة كزا مرة ومرة وانا بالكلية
بابا طلعلو شغل بالعقبة فسكنا بالعقبة وهديك المنطقة كانت كلها زلازل
واكتر من مرة صار هناك زلزال ومرة كان بقوة 7
يومها بجد سلمنا انو احنا راح نموت لانو من قوة الزلزال كل ما كنت نوئف بدنا نهرب نرجع نوئع راح التوازن
والعمارة الي ساكنين فيها حيطانها تشئئت صار العالم الي برى يبينو من عنا
المهم بعدها بابا ترك عطول ونئلنا على عمان
وبتزكر مرة لما كنت صغيرة يعني شي 8 سنين
بعتتني ماما على سوبر ماركت
اجبلها غراض
المهم وانا بالمحل شب كان كبير وئتها حاول يخطفني
والي انتبه عليه الشب الي على الكاش بالسوبر ماركت ومسكو وخلاه يفلتني واجو اهلي وبابا شل بختو
وخبر الشرطة
ولما كنت بالكلية مرة كانو بيبنو طوابق زيادة المهم كنت وائفة تحت مبنى والعمال مو منتبهين وئعو طوب وحديد وخشب من فوق البناية
انا فجاة شفت العالم الي حوالي بتصرخ وصاحباتي والشباب بنادو روان ابعدي
نطيب لجوا المبنى وشفت كل الطوب والحديد والخشب بينزل على الارض محل ما كنت وائفة بس شو متت رعبة
بئيت ربع ساعة مصدومة وبرجف
انشالله ما ينعاد ولا يتكرر اي شي من هدول
|