[نابلسية كححح]

الاب كان مسافر ولما رجع لقى ابنه بستناه فى المطار



الاب : آه شو احوال البيت بغيابي؟



الابن : كل اشي ميه ميه بس صارت شغلة بسيطه



الاب : وشو صار ؟؟



الابن : عصايه المكنسة انكسرت



الاب : بس هيك ولا يهمك بس شو اللي كسرها؟؟



الابن : انت عارف ان البقرة لو وقعت على اشي بتكسرو



الاب : انت قصدك بقرتنا؟



الابن : اه



الاب : وشو صار؟؟



الابن : كانت بتهرب خايفة فوقعت على عصاية المكنسة فكسرتها



الاب : المهم البقرة صرلها اشي



الابن : ماتت...



الاب : شووووووو... ماتت!!!! وهى كانت بتركض خايفة من شوو؟؟



الابن : لا مهي كانت بتهرب من الحريقة



الاب : حريقة!! حريقة شوووو؟؟



الابن : لا فش اشي يابا كلشي بخير بس البيت انحرق



الاب : انحرق!!! شوووووووووووووو؟؟وشو حرقوو؟؟؟



الابن :اخوي الكبير الله يرحمه هو السبب



الاب : شووو بتحكي؟؟؟؟؟؟ اخوك مات!!!!! كيييف ؟؟



الابن : لا يابا كلشي بخير بس كان بيشرب سيجارة و وقعت و حرقت البيت وهو جواه



الاب : ولك شوبتحكييي شو هالاخبااار اخوك كان بدخن؟ ???



الابن : هو كان بدخن علشان ينسه حزنه



الاب : حزنه على شوو ؟؟؟؟



الابن : لا ياباما اتفكر كلشي تمام بس على امى الله يرحمها



الاب : ول ول شوووو بتحكي يا ابني امك كمان ماتت؟؟؟؟؟



-الاب وقع من طولو ومات فوراً من غباء ابنه





الابن : بابا ما تعمل في نفسك هيك يا حـبــيــبــي... فــداك ألــف مــكــنــســة