عالعافية
اليوم جاي احكي في موضوع انتشر بدرجة كبيرة
والاشي هاد في خطر على الاسلام والمسلمين
امبارح كنت قاعد بتفرج عالتلفزيون
وانا بغير في المحطات شفت واحد بيحكي زوجو الشباب ووقفت عليه عطول
المهم
طلع الشخص هاد واحد من شيوخ الازهر واسمه عبد الرؤوف عون
بعد ما خلص موضوع زيجة الشباب دخل في مواضيع والله اول مرة اسمع فيها
قعد يحلل انه الوحدة تكشف عن شعرها ويحلل بعض اللبس للمرأة اللي محرمة عنا في الاسلام
وقعد يحكي انه اذا المرة كانت شريفة حلال انها ما تتحجبش
ويبرر ويجيب كلام من الدين
وقعد يحكي كلام كتير
والله شوي ويحلل الزنا
والله ساعتها كشيت من هاد اللي بيسموه شيخ ومن القناة كلها
ايش ضل
حلل عدم لبس الحجاب
فا انا موضوعي بيحكي عن الاشكال هاد وهدول اللي بيسموهم شيوخ وبيقعدو يحللو الحرام
ويشوهو في الدين
انا شايف هاد الظاهرة منتشرة كتير وقاعدة بتزيد لدرجة كبيرة
وصار اللي ميسواش يعمل حالو شيخ ويحكي
في كتير قصص زي هيك انتشرت ومشايخ بيقعدو يخبصو
زي قصة ارضاع الكبير
وحلال الصلاة بلبس الرقص
وكتير قنوات بتجيب زي هيك شيوخ
والله مش عارف كيف خلوهم شيوخ وكيف بيخلوهم يحكو في الدين
والله المفروض يلاحقوهم ويحاكموهم
خربو الاسلام كله
ايش بيستفيدو من ورا الشغلة هاد
مع السلام عليكو