[limar]

راح احكيلكم هلاء كيف سجلت بالمنتدى

مرة كنت بدور على موضوع بجوجل

طلعلي شي عنو بمنتدى شباب فلسطين

وانا عفكرة ولا مرة سجلت بمنتدى قبل هيك

ابسيليوتلي

المهم حبيت الاسم

شباب فلسطين

وبما انو انا شباب يعني فكرت اسجل بس كنت عارفة انو ما بكمل يعني بس مشان اعمل الي بنفسي

المهم سجلت

ما كنت اعرف كيف اضيف موضوع

او عرفت بس ما كنت انسق شي كلو وراى بعضو

ولا لون ولا اكبر الخط

وعلئت المنتدى العام

كانت نور اليقين دايما تئلي مكرر وتنئل

حبيبتي نور

بعدين من كتر ما تفشلت حولت على كنوز المعرفة

صرت اكتب انا مواضيع عن دراستي

واحكي اشوف مين الي بدو ينئلها

المهم مرة من المرات نسرينا الفلسطينية حكتلي برد مواضيعك كتير حلوة بس كبري الخط شوي

انبسطت وئتها

وكبرت الخط

بعدها محمود كتبلي برد مواضيعك رائعة كتير بس لو تنسقي الموضوع شوي

وهون فرحت بجد لانو مدير المنتدى لفتت نظرو مواضيعي

والاحلى انو انا الي بكتبها

وحبيت كنوز المعرفة وبتزكر كان اسمها المنتديات التعليمية

بعد تئريبا شهرين من تسجيلي

كنت من يومين بس عضو فعال

بعتلي محمود رسالة خاصة وحكالي انو ازا بتئبلي تكوني مشرفة للمنتديات التعليمية

وئبلت وصرت مشرفة

وصار اسمو كنوز المعرفة

ولهون لسا ما كنت متعرفة على حدا

راح احكيلكم الي تعرفت عليهم كيف لئدام شوي