[limar]

كنا ايام الدراسة نتدرب ضرب الابر وسحب الدم على بعض

يعني المشرق يئسمنا كل شخصين مع بعض ويتدربو

مرة من المرات حطني انا وشب اسمو مجدي مع بعض وال اتدربو

رحت عند المشرف ئلتلو ما بدي حطني مع شي بنت

ئلي لازم تتعودي لما تتخرجي وتشتغلي يجي شب على المختبر لازم تسحبيلو

المهم اخدتت ابرة وبلشت بدي اسحب لمجدي دم

وهون ما بعرف شو صرلي اتلبكت على الآآآآآآآآخر

فوتت الابرة بايد الشب وخزئتلو الشريان وصار عندو نزيف جوا

والمسكين ما حكالي شي

ئلي معلش يلا كمان مرة

ورجعت مرة تانية فوتت الابرة غلط

وهون ما اتحمل الوجع

صار يسب بصاحبو

الله لا يوفئك يا بلال

الله لا يعطيك العافية يا بلال

ايدي يا بلال

اسحبها يا بلال

وانا اسمع هيك وافرط ضحك

تركت الابرة واضحك

اجا المشرف بحكيلي شو هالاجرام

ئلتلو انا من الاول ئلتلك ما بدي انتا الي اصريت

مع انو مو اول مرة اسحب دم لحدا

بس خلص اتلبكت

المهم اجا دورو ليسحب مني دم

وئلي دوري انتقم هلاء

ئلتلو مستحييييييييييل

وحلفت ميت يمين ما ئبلت

والمشرف يضحك ويقنع فيي وانا ابدا

بس والله مسكين يعني لو صارت فيي ما بتحمل