[limar]

متل ما حكيتلكم قبل انا وصغيرة كنت ئردة ما اهدا

اسئلتي كتيرة وفصولي كتيرة

غير هيك كنت ما خاف ولا يهمني شي

يدورو علي يلائوني فوق الخزانة او جواتها

كنت اتشعبط على البواب والحيطان

ركبت جمال وحمير واحصنة ولا يفرء معايا

مع اني كنت صغيرة بس مرة تيست واصريت اطلع على حصان لحالي

وفعلا طلعت

والغريب اني ما وئعت ولا خفت ولا كانو اول مرة بركب حصان

وصرت امشي الحصان لحالي

كنت اعشق المراجيح كمان

لهلاء والله ازا طلعنا رحلة وشفت مراجيح بروح بشيل الصغار وبئعد اتمرجح

شعور بجنن والله

ماما بتضل تحكيلي ما راح تكبري