[.. ليآل ~]

بجد شيء مؤسف يلي بيصير بهالصفحات

يعني الموضوع تشعب وكتر الاخد والرد فيه

والحق واضح والشمس ما بتتغطى بغربال والاخوة السعودين على مايبدو اخدوا منا موقف سيء

اخواني السعودين

اول شيء شكرا على وقفتكم الطيبه ودعائكم النا
ماشاء الله هون بجده المساجد بعد كل صلاه بتدعي وقبل فتره جمعوا تبرعات وبعض المدارس والجامعات كمان اخدت مواقف وسجلت ردود افعال

لكن السؤال..... هل هذا كفايه؟؟

للأسف لا

لانو كل شي انعمل لحد هلأ ماوقف القصف ولا رفع الحصار ولا فتح المعابر

بس بدي منكم تتخيلوا هالشي::

اتخيلوا انو في انسان ماسك بيده جمره مشتعله من نار

ونحنا واقفين جنبه متألمين لأجله وبنبكي عليه وبنحاول نساعده

بنجيبله برهم للحروق وبنعطيه فلوس حتى يروح يتعالج

لكن كل هالشي ماراح ينفعه ولا راح يشعر انه ممنون لانه ماحدا فينا حاول ان يساعده حتى يتخلص من الجمره او يرميها او حتى يطفيها

كل محاولاتنا بالتخفيف عنه كانت فاشله وكأننا بنحكيله : ارجوك حاول تتكيف مع وجود الجمره بيدك نحنا راح نعطيك دوا وفلوس وبرهم وكل شي بس مابنقدر نخليك تتخلص منها

وفي النهايه المحصله = صفر

ويارب تكون الفكره وصلت

طالما المعبر مغلق المساعدات ماراح توصل والفلوس ماراح تتوزع وحتى ماراح يدخل غاز حتى يقدروا ياكلوا او يشربوا
ومتل ما الكل بيعرف انو بعض الدول استردت مساعداتها لعدم فتح المعبر متل دوله قطر
حتى المظاهرات يلي قامت بعض الدول للأسف اهل غزة ماشافوا منها شي ببساطه لانو الكهربا مقطوعه

يلي بيتوقعوه منا اهل غزة اكبر واكتر من هيك بكتير وكل شي

هم مابدهم مظاهرات واكل وشرب مع العلم انو هالشي مهم

بس لابيقدم ولا بيأخر

نحناا محتاجين وقفه عربيه صارمه ترفع الحصار وتوقف العدوان

اما بالضغط على اسرائيل وامريكا وانا هون قلت ضغط مش حرب

ماراح تخرب الدنيا لو انمنع البترول عنهم لمده 24 ساعه بس

ولا راح ياكلهم البعبع لو فتحوا باب الجهاد

بس للاسف حكومات متواطئه متخاذله ضعيفه

وبعيد وبكرر كل الكلام الي حكوه الاخوة انوما في حدا من الفلسطينين سواء تحت الحصار او في فلسطين عموما او حتى خارجها بينكر جميل اي شعب عربي والكل عارف انو الشعوب مقهوره وفي حاله غليان وبتنتظر ساعه الانطلاق