حنطلة
حنطلة" ناجي العلي يعرّف عن نفسه"
عزيزي القارئ إسمح لي أن أقدم لك نفسي .. أنا أعوذ بالله من كلمة أنا.. إسمى حنظلة"
إسم أبي مش ضروري. أمي إسمها نكبة. وأختي الصغيرة .... نمرة رجلي ما بعرف لأني دائما حافي... جنسيتي.... أنا مش فلسطيني مش كويتي مش لبناني مش مصري مش حدا... باختصارمعيش هوية ولا ناوي أتجنس.... محسوبك إنسان عربي وبس
التقيت بالصدفة بالرسام ناجي العلي كاره شغله لأنه مش عارف يرسم... وشرح لي السبب... وكيف كل ما رسم عن بلد... السفارة بتحتج...
قلي الناس كلها أودام .... صاروا ملايكة... والأمور مفيش أحسن من هيك... وبهالحالة عن شو بدي أرسم بدي أعيش. وناوي أشوف شغلة غير هالشغلة... قلتلو إنت شخص جبان وبتهرب من المعركة وقسيت عليه بالحكي وبعد ما طيبت خاطرو.... وعرفتو عن نفسي وإني إنسان عربي واعي.... بعرف كل اللغات وبحكي كل اللهجات... معاشر كل الناس المليح والعاطل والآدمي والأزعر وكل البتاع... اللي بشتغلوا مزبوط واللي هيك وهيك... ورحت الأغوار وبعرف مين يبقاتل ومين بطلع بلاغات بس... قلتلو إني مستعد أرسم عنه الكاريكاتير كل
"يوم وفهمته إني ما بخاف من حدا غير من الله واللي بدوا يزعل يروح يبلط البحر
|