_ اعتذار تريد ان تقدمه لمن ..؟؟
لامي ابي
_ ماذا ستكتب لنا لتعبر عن حياتك التي عشتها الى الان في كلمات قليله ..؟؟
كانت احلا حياه انا خربتها بس هلا رجعت زبطت وكتيييييييير حلوه
_ اذا اردت ان تبكي الان , فعلى من تبكي ..؟؟
على اعز انسان كنت اعتبره متل بابا وهو زوج عمتي الله يرحمه
_ من ستختار ليمسح دموعك ..؟؟
بنت خالتي
_ هل تعتقد ان حظك سيئ ..؟؟
بالعكس تماما انا حزي بفضل الله روعه
_ هل تحب هذا المنتدى ؟؟
كتير بحسه بيتي التالت
_ هل هزمك حزنك في يوما من الايام ..؟؟
لا دايما كان يئويني ويكبرني ويعطيني امل لانه علمني شي ما كنت اعرفه
_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ..؟؟
ما بوجهها لحالي اصلا لانه انا حياتي عشتها وكل شي فيها كان اله سببه
_ متى اخر مره بكيت ..؟؟
من شي كم يوم
_ اي الدول تتمنى ان تزورها ..؟؟
فلسطين وقبرص
_هل لديك الجرأه ان تقول عمرك أمامنا ..؟؟
هههههههههه عمري 21 كمان 11 يوم بطبئهم وازا بدك اكتر موجود بالمنتدى ههههههههههههه
_هل انت راضي عن نفسك ..؟؟
كتييييييييييييير ما بتصور انه اكون راضيه عن حالي متل هاد الوئت
_بماذا تقر وتعترف أمامنا الان ..؟؟
بعترف انه ما عندي شي اعترف في لاني متل كتاب مفتوح الكل بعرفني وما في شي مخبى
_ اغمض عينيك دقيقه لو سمحت, ماذا خطر على بالك وانت مغمض العينين ..؟؟
امي وابي واخواني وعيلتي بعمان كلها
_ايهما اهم شهادتك الجامعيه أم الزواج ممن تحب ..؟؟
الشهاده الجامعيه كانت اهم اما هلا لما ما سار نصيب باني ادرس وتزوجت فالزواج حتى لو ما كان عن حب
_هل تعترف بشيء اسمه الصداقه بين الرجل والمرأة ..؟؟
اه اكيد
_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه ..؟؟
ازا العاطفيه اه والله بس ما كان بايدي ولا كنت بدي هيك
_هل انت مدمن تفكير ..؟؟
اكيد يعني لدرجه ازا سمعت كلمه او موضوع بضل افكر في افكر في افكر في لحد ما تيجي فكره تانيه
_ اذا تم تعيينك ملكا لجميع البلاد العربيه فما اول قرار ستتخذه ..؟؟
اعدم كل الحكام العرب بلا استثناء ولا رح استثني بيوم من الايام
_هل تكره شخص بشده في حياتك ..؟؟
ما في شخص الا عنده حدا بكرهه والي بكرهه هو كان سبب باني اكره انسان بالدنيا ومو بس هيك هلا لو جابوا ئدامي يبوس رجلي ما بسامحه الا بحاله وحده ويمكن ما اسامحه والي هي الموت انه يموت
_ ما هو اقتراحك الذي تتمنى ان يحدث في هذا الجروب ولم يحدث الى الان ..؟؟
انه الي في ما يطلعوا لبره وما حدا يسجل ويروح ينئلع بعد ما يسجل وحتى ما يرد
_هل ملابس الشخص امامك تؤثر فيك لتأخذ عنه انطباع ..؟؟
ممكن يثير انتباهي بس ما بعطيني انطباع عنه
_ حكمة تؤمن بها جدا ..؟؟
عندي حكمه شخصيه والي هي الي فات ما مات لانه عايش جواتي على الاقل بدرس
_ عاده تفعلها دائما تتمنى ان تتركها ..؟؟
العصبيه ازا حدا صحاني وبصراحه نفس اتركها لانه بحس حالي بزعج زوجي على الاخص
_ ماهو اجمل اسم لولد واجمل اسم لبنت من وجهة نظرك ..؟؟
اجمل اسم ولد أحمد اما اسم بنت جوري ولوتس
_ ماذا تفعل اول شيء اذا ربحت ملايينا او مليونا عشان مانكون طماعين ..؟؟
بشتري بيت وعفشه بــ 300 الف ما بدي اكبر عيلتنا صغيره بشتري سياره للعيله بـــ 40-50 الف وبكمل دراستي بالجامعه رح تكلفني 30-35 الف ازا بدي ادرس الي بدي ياه هاد مع كتب ومواصلات وكل شي طبعا بشيل مصروف للشوبنج هههه لانه بموت في يعني 50 الف بكفي صح؟ ووووووو بجيب اهلي عندي بدي 20 الف
واكيد في شي لاهل بلدي حوالي 20 الف
وهيك صار 675 الف والبائي بفتح في مشروع لزوجي والي همه 525 الف بس حلو الحلم ما
_ هل انت من لديهم رغبة حب التملك واذا تملك الشيء اصابه الملل منه
عندي حب التملك بس ما بنصاب الملل
وميرسي الك على الموضوع