[أحمد صلاح شبلاق]

كبرنا و تكبرنا

أهلنا لهلأ فينا بيتعبوا

ولما يمرضوا يادوب علينا بيصعبوا

ولما شي عنا يمنعوا

صوت عالي و أوف منا بيسمعوا

و بكون لمصلحتنا... و احنا بنفكرهم بخدعوا

وهما من جوا بموتو و بدمعوا

طيب ليش هيك بنعمل؟

معقول حقوقهم بنجهل؟!!!

ولا عشان كبرنا تكبرنا !!!

مش هما اللي ربونا

و تعبوا لما كبرونا

ومن قلوبهم حبونا

وبعيونهم خبونا

مش هما بعد الله على الأمراض قونا

وعلى الهموم صبرونا

و احنا بنزعل و بنعصب عليهم ازا سبونا

طيب ليش هيك بنعمل

معقول حقوقهم بنجهل؟!!!

تأليف أحمد صلاح شبلاق