[هادي]

صباح ومسا الخير لكل فلسطين .. القطاع والضفة وإللي جوا ( جدار الفصل) برلين الجديد
أول شي بدي أطلب طلب: يا ريت إللي بدو يشارك يكون كلامو موضوعي ومنطقي (أبوس إيدكوا علشان ما ينحزف الموضوع)
الموضوع:
فشل حوار القاهرة بين فتح (م.ت.ف) وبين حماس ومعها الجهاد، الصاعقة، الشعبية - القيادة العامة-.. والتحدي مستمر بين إنهاء الفترة الرئاسية لأبو مازن، أو تمديدها!!!
وغزة تحت الحصار المشدد (والتهديد بالأسوء)، وباراك ولا سائل بمناشدات العالم.. لا تخفيف ولا أدويه ولا حالات إنسانيه .. ولا الخ..
طيب .. وبعدين؟؟؟؟!!
شو رح يصير؟؟ معؤول حماس ترضخ للضغوط الدولية، أو تضعف أمام الوضع الإنسانس (الحياتي) الصعب في القطاع؟؟ والإعتقالات في صفوفها في الضفة؟؟؟!!!
ولا معؤول أبو مازن يقبل بنظرية ( وضع اليد) ويوافق على وجود حماس كسلطة حاكمه في غزه؟؟!!!!!!
والمعؤول التالته:
معؤول .. تعلن حماس رئيس للسلطة بغزه، وأبو مازن يضل رئيس بالضفه .. (ويصير إلنا دولتين) ورئيسين

وعلى فكره في معؤول رابعه: بس مش معؤول يصير إستفتاء شعبي أو إنتخابات، يكون الشعب هوه صاحب القرار .. مين يمسك السلطه ..!؟؟!!!
بصراحه أنا شايف (المعؤول التالته) هيه إللي رح تصير .. والله يستر من إللي جاي!!!!
وإنتوا شو رأيكم؟؟ شو المعؤول؟؟؟؟؟؟