[نور الهدى]

اختي الحبيبة ..

أولا انت ما بتقدري تعرفي اصلا ان كان صادق في اقواله اولا .. هاد اولا

ثانيا افرضي انك حاولتي تساعديه !! كيف رح تساعديه اصلا ؟؟

هو في بلد و انتي في بلد .. و اصلا ما بطلع بايدك شي تعمليه

ثالثا .. انا غالب على ظني انه بده يستغل طيبتك

كيف ؟؟

هو قال انه بده يتزوجك .. و مأمل انك رح تقبلي

لو قبلتي رح يتطور نوع الكلام اللي بينكم

صح ؟؟

رح يسمح لنفسه يطلب يشوفك .. و بعدها يطلب ما هو اكبر .. اكيد فاهمة قصدي

و انتي لما تصدقيه و تلبي طلباته يمكن يحفظ شي منك .. و يصير يهددك بعدين

طبعا انا ما بتمنى يصير معك هالشي

لكن والله قرأت كثير قصص من هذا النوع .. و ياما بنات صدقوا هيك شباب و ندموا بعد ما وقعت الفاس بالراس

فالله يرضى عليكي سيبك منه و انتبهي لدراستك و مستقبلك .. و اهم شي حطي ببالك ثقة اهلك و ما تخذليهم

الله يوفقك و ينور دربك :)