رد: البنت العاطفية
مرحبا
اول شي اسمحيلي انا مو مع تسمية نوعية البنات بلفظ هبلة
طبيعت حياتنا وزروفها هي الي بتأثر على شخصياتنا
يعني الشب او البنت شخصيتو بترتبط بالبيئة الي عاش فيها وفيزيولوجية الاهل وطبيعتهم
مافي بنت بتلجأ لهيك امور الا تكون فاقدة لشي من ناحية اهلها
متل اهتمام او الحنان
وطبيعة اي بنت وهاي طبيعة الخالق اوجدها فينا انها عاطفية
وبتحب الاهتمام ومحتاجة لقدر كبير من الحنان
العمـر وقلة الوعي بأثر كمان على هاي الامور
قلة الوعي عند البنات بيجي من الاهل
متابعة الاهل للبنت اهم شي
متابعة احتياجاتها النفسية قبل كل شيئ
لحتى ما تلجأ لبرى
اي بنت او اي شب حتى بيفقد شي من داخل البيت بيلجأ لخارج البيت لسد احتياجو من الي افتقدو
طبيعة الاهل عنا ما بتسمع لبناتها
قليل جدا الام الي بتئعد بتسمع لبنتها او بتحاول تعرف شو مدايئها
او حت انها توقف مع بنتها وتراعي زروفها النفسية
التربية ما بتجي ابدا بالقسوة
لازم الليونة بالتعامل
لازم يعطو البنت احساس بالراحة وانها ما تخبي عليهم شي
دائما اغلب البنات ما بيحكو لاهاليهم شو بصير معهم برى
من الخوف
بخافو من اهلهم
ليش ما نعطيهم راحة انو لو عملتي شي غلط احكيلنا
لانو لما يعرفو الاهل الغلط ببدايتو ما راح يخلوها تستمر فيه
الخوف بخلي البنت تستمر بالشي الي عم تعملو بدون علم اهلها
انا كمان برايي انو لو البنت اعجبت بشخص معين او كان اعجاب متبادل انها تحكي لالها مو غلط
حتى لو في كلام بينهم
هالشي يكون بعلم اهلها احسن ما يكون من وراهم
البنت مو هبلة البنت عاطفية
وما راح تهتم او تحس باهتمام حدا او تفكر بكلام حدا لفت انتباهها الا ما تكون فاقدة شي جواتها
وايا شي بتفتقدو بعمرها بكون فاقدتو من صغرها
والحئ على الاهل مو لى البنت
هادا رايي
وشكرا
|