[مؤيد]

منيح انو لقيت وقت افوت وارد فيه على كلامك ...

المشاركة الأصلية كتبت بواسطة mohade بالبداية ليش تهربت من اللي كتبتو انا ورحت كتبت شغلات ملهاش دخل بكل ردي ؟

ما بعرف ، يمكن خوف ورعب مش أكتر ^.^ ...

انا مقلتش عملاء ومن هالحكي
لعلمك اغلب الناس اللي بعرفهم خلاليلة ومحترمين وعلى راسي وعيني كمان وطلع منها كتير ابطال واستشهادين بنختلفش بهالحكي ومش مشكلتي اغلبية فتحاوية او حمساوية مش مشكلتي هادي
تاني شغلة بالله عليك لما ينزلو المستوطنين عندكم عالخليل يبهدلو العالم ويعتدو عليهم كم واحد من تاعون الطوش واللي عاملين عناتر بنزل يتصدالهم ؟

مشكلتك انو عشانك فتحاوي مناصر للسلطة وللمخابرات بدك تبرر الجريمة اللي قامت فيها سلطة فتح ضد عائلة الجعبري أو ضد أي عيلة من عائلات الخليل ...

مؤيد
يعني بدنا نضحك على بعض ؟
بحلفك بالله العظيم ها
الجعبري كم الف طوشة عملو بالخليل وبكم وحدة منهم استعملو سلاح اكيد كلهم
شغلة تانية وانت بتعرفها اكتر مني وبتعرف مين هم دار الجعبري عندكم بالخليل ليش العالم بتوبوهم وخاصة الفخد اللي ساكن بالمنطقة للي صار فيها اشتباكات بتعرف شو هم

لا أكيد ما بدنا نضحك على بعض ، ولو ...
بالنسبة لعائلة الجعبري ، انت ذكرتهم بمشاركاتك السابقة وعممت انو كل العيلة انها مش منيحة ، واضح من مشاركاتك السابقة انك ما استثنيت من العيلة حدا ، اتهمت كلهم وعممت على الكل ...
اللي مش مناح في دار الجعبري هم أقلية ، مش أغلبية ، واظن ما في عيلة كاملة وكل افرادها منيحة ...
بس انت عممت على كل العيلة وهادا الشي ما حبيتو منك ...

في شغلتين
بالبداية انا ضد انو تستخدم القوة والطخ بهالشغلات

تاني شغلة وين كان ردك هادا لما حماس هجمت على عيلة دغمش بغزة ولا نسوان الجعبري بختلفو عن نسوان دغمش ؟ وللعلم العيلتين تقريبا نفس الاشي والشخص اللي هرب عند عيلتو مجرم نفس الشخص اللي هررب عند عيلتو بغزة

العيلتين مش نفس الشي ، اللي تم الاعتداء عليهم من عائلة الجعبري ناس منيحة والكل بالخليل بيعرف الناس اللي تم الاعتداء عليهم من عائلة الجعبري ...

لا اختصر اذا الجعبري فش عندهم سلاح مين ضل عندو سلاح ؟
صدق عندهم سلاح اكتر من السلطة بحالها وموقفتش على رشاشات عندهم صواريخ وقصص وانت بالخليل وبتعرف شو الطوش عنكم بدناش نقعد نتخوت عبعض

السلاح انا ما بنكر وجوده بأيدي الناس الهاملة والزعرنجية بكل الضفة ، وفي بعائلة الجعبري وبأكتر من عيلة فئة صغيرة معها السلاح واليهود بيعرفو هادا ، بس ما بصير على شان فئة صغيرة نروح نتهم العيلة كلها ...

بعدين ازا على سيرة الطوشات بالخليل ، وكإنو مافي الا الخليل بصير فيها طوشات ، طيب ما بتسمع عن المشاكل التانية بكل مدينة فلسطينية ؟ بالمدن وبالمخيمات والقرى كلها فيها طوشات وبروح ناس قتلى بالضفة ، مش اشي جديد ...

واللي بيحمل سلاحه قدام اليهود الكل بشك فيه ، وكلامي واضح كتير ، يعني عائلة الجعبري ساكنة في منطقة تحت السيطرة اليهودية ، فهمني كيف اليهود سمحو لسلطة فتح تدخل هديك المنطقة بتنسيق أمني ؟ وكيف اليهود سمحوا لهاي الأجهزة بحمل السلاح تحت مرأى الاحتلال ...

أما الناس الشريفة في الخليل ، ما بتقدر تحمل سلاح ، أو بالأحرى ما معها سلاح من أصلو ، واللي مو سلاح السلطة بتاخدوا بتعذبو قبل اليهود ، وكلنا بنذكر ابن كتائب القسام وقائدها الشهيد شهاب الدين النشة ، عشانو زلمة نضيف وسلاحو نضيف اليهود لاحقوه لحد ما قتلوه ، ما تحكي انو ما في شرفاء بالخليل وانو ما بقاوموا ، وما تنسى انو العمليات الاستشهادية الأخيرة كلها من الخليل ، والا نسيت عملية ديمونا ؟؟؟....

المستوطنين بعتدوا في كل مدن الضفة مش بس بالخليل ، طيب وين أهل نابلس وين اهل رام الله وجنين ، مش عندهم مستوطنات برضو ، ليش طيب اللي معهم سلاح الدنيا ما بقاومو ؟؟ ؟ ...

ما تحكي عن الخليل بس وتترك المدن التانية ...

نابلس في ناس معها سلاح ، سلاح العربدة والزعرنة والخاوات ، نابلس مشهورة بالخاوات ومعروف مين بيلمها ، ليش هالسلاح ما يروح على اليهود متلا ً ، وقس على بقية المدن ...

كتائب الاقصى ههههه روح عرام الله اسال عن كتائب الاقصى
اسال عن كامل غنام ومجموعتو اسال عن نصر ابو حميد ( حلوم وعن غيرهم كتير
اسال مين اللي بتصدا لليهود لما يصير اي شغلة

بلاش روح عنابلس اسال عن قفيشة وفرسان الليل
انسى روح عجنين عطولكرم عبيت لحم عكل المناطق اسال مين اليل بتصدا فيها ومين اللي تصدا اليوم للجيش بقلقيلية ومين نصبلهم قبل يومين كمين عند الجدار قريب قلقيلية ومين خزق شاحنة لليهود قبل كم يوم بنابلس

ههههههههه ...
مين هدول ، صراحة اول مرة بسمع فيهم ، بتعرف ليش أول مرة بسمع فيهم ؟ لإنو ما عمري سمعت انهم عملوا عمليات ...
ايش اروح أسأل يا زلمة ، الحقيقة واضحة متل الشمس ، كتائب شهداء الأقصى سلمت سلاحها للسلطة واخدو صك الغفران ، وصدقني لو في عمليات بقومو فيها شهداء الأقصى كان كل الدنيا بتحكي ، بس ما في شي بالضفة ، كل اللي بصير هو لطخ حجار وشوية زجاجات حارقة مش اكتر .. وهي وسائل الأعلام اللي بتابعها يوميا على التلفزيون والإنترنت ، وتلفزيون فلسطين لعلمك بفتح عليه كل يوم ، لحتى اشوف وجهات نظركم وشو بتحكو وكيف بتفكرو وشو هي الأخبار اللي بتحطوها ...

كتائب شهداء الأقصى جزء كبير منهم انضمو للأمن الوقائي والمخابرات والأجهزة الأمنية بالضفة ، فأي مقاومة هاي يا زلمة ...

وعشان نكون اوضح ، الشرفاء اللي قاموا من شهداء الأقصى اعتقلتهم السلطة ، واسأل سجن جنيد ، بتعرف القصص أكيد ....




الموضوع اخد اكتر من حجمه ، ودخل في حلقة مفرغة ...

لذلك فهو مغلق ...