[مؤيد]

المشاركة الأصلية كتبت بواسطة روان فلسطين اول شي بالنسبه لمؤيد
اخ مؤيد انا انسانه واعيه ومتفهمه ومو عميه لحتى ما شوف المعاناه والتعذيب يلي بيصير بابطالنا البواسل ربي يفرج كربهم وينالنا بعض اجرهم والله لو بايدي بفتديهم بنفسي من حرقه قلبي عليهم
لكن انا انسانه بتأمن بالتغير وبقدره الفرد على التأثير بمن حولو من الناس لذلك لما اشوف شبين بيقولو نحنا مع فتح بس ضد السلطه ما بقدر الا احترمهم لانهم لو كانو ناس ذوي منطق مؤثر واسلوب فعال فهمه رح يأثرو على اصدقائهم وقرايبهم وزملائهم وغيرهم من الناس ومجرد رفضهم للشي يلي بتعملو السلطه مبادره حلوه من قبلهم ببين وعيهم ونحنا كمان يا مؤيد ما بنقدر ننكر فضل فتح بالجهاد حتى لو هاد الشي زمان وحتى لو دنسها بعض الانذال والخون متل الكلاب يلي بالسلطه (والله ظلمت الكلاب )
سو انا برأيي انو لو كل انسان تطلع حولو ونظر نظره مختلفه للعالم مع كل تغير بيعرف انو الفتحاوي يلي بيقول انا مع الاسرى وانا مع عدم الحوار وتمثيليات الكذب يلي بسوقها علينا عباس وغيرها من الاشياء وانا ضد الفرقه وانا ضد انو يكون في اسرى لحماس والجهاد عند فتح
بيكفيني انو يكون انسان ع الهدرجه من الوعي والادراك ليكون بيستاهل احترامي الشخصي واحترامي كفلسطينيه محروق البها ع بلدها وما بتقدر تشارك بقضيتو الا عبر صفحه هالمنتدى
ولا تنسى يا مؤيد انو انا فلسطينيه حمساويه لىخر نفس بحياتي ومستعده افدي حماس بروحي ودمي بس لاشوف انو الناس غيرو الفكره الكذب يلي العملاء والفضائيات قررت تنشرها عنهم
طولت كتييير انا بس اخدني الكلام وحبيت ابين الك رأيي لاني من اكثر المعجبات بآرائك وحبك ووفائك لحماس
تحياتي

أختي العزيزة روان ...

أنا متأكد تماماً انك انسانه واعيه ومتفهمه ومو عميه ، ولا يمكن بيوم أسمح لنفسي احكي عنك الا كل خير أكيد ...

أنا مش في خلاف معك على كلامك أصلاً لحتى أعلق أكتر على مشاركتك الرائعة ...

بس بالنسبة الي لما حكيت رأيي في مشاركتي السابقة عن الكلام المعسول اللي بنسمعو ، حكيت من باب الحذر مش أكتر ، وليس من باب التشكيك وبتمنى ما يكون حدا فهمني غلط ...

في بفتح شرفاء ما بقول لأ ، بس وينهم ؟؟؟ ... ليش ما في ولا صوت الهم ؟؟؟ ... كمان في ناس من شرفاء فتح تركوها ، بعضهم مش كلهم ، لإنو الشريف مستحيل يرضى على حاله يكون تحت أوامر عباس ...
أنا بتمنى من شرفاء فتح نشوفهم هم قادة الحركة ، لإنو لو شرفاء فتح هم اللي حاكمين الحركة ، كان نحنا بألف خير حمساوية وفتحاوية والكل ...

بالنسبة الك روان انا ببادلك الاحترام ، وما بنسى مرة الوقفة اللي وقفتيها انتي وعدد من الأعضاء معي يوم ما كنت بدي أترك المنتدى ، ولا رح أنسى هالموقف الطيب منك أبداً ... كلك ذوق روان ...