[مؤيد]

المشاركة الأصلية كتبت بواسطة mohade السلام عليكم اخواني واخواتي

عالعموم انا مش راح اكتر حكي
بس عيلة الجعبري ههههه مش زي ما انتو متوقعين واسالو اهل الخليل عنهم
كلهم مشاكل بمشاكل وطوش ومش عارف شو وكلو بستخدمو فيه السلاح على الناس وبينهم وبين العيل دم وحالتهم حالة واللي بحكي مجاهدين ههه ببين انو مش عارف اشي وجاي يلاخم
دار الجعبري معهم سلاح بتاكلوش النيران والمستوطنة جمبهم بعمرهم ما اطلقو رصاصة عليها
مع العلم انو المستوطنين معجبين بالخليل بس للاسف مش شايفين اي نوع من انواع المقاومة
تاني شغلة مع احترامي لاهل الخليل هناك فش عندهم فتح وحماس عندهم الانتماء للعيلة وعدم المؤاخذة مهم جيش بحالهم
والشغلة اللي صارت على جريمة مش علشان اللي بدهم يعتقلو من حماس او غيرها ضل هارب عند اهلو واهلو هناك معروف عنهم طالو السلاح ونزلو
باختصار مش دفاعا عن الاجهزة الامنية بس الحق يقال

وبتمنى يا اخوان تشوفوا الموضوع من كل النواحي وتتاكدو من كلشي قبل ما تحكو مش انا بغزة وبعرفش اشي عن اللي بصير اجي احكي والاخم علشان المشكلة مع السلطة وتعملو كل الناس اللي بتروحلهم السلطة هم مجاهدين ومش عارف شو
كل الاحترام

وعليك السلام ..

عفواً بس مين حضرتك لتحكي هيك على الخلايلة ؟؟ ... وعن عيلة الجعبري كمان .؟؟

هلا صاروا أهل الخليل عملاء بنظركم آه ... لإنهم مش ذوو أغلبية فتحاوية ؟؟ ..

يعني مش بكفي نازل تحكي حماس وفتح وكمان بدك تخليها شغلة مدن وقرى ولاجئين ....

أنا خليلي ومن مدينة الخليل وعايش فيها من زمان ... وبعرفها اكتر منك ...

وحضرتك يمكن ما زرت الخليل الا مرة او مرتين او يمكن ولا مرة وجاي تحكي عليها ...

السلطة الفتحاوية أطلقت النار على وأصابت نساء من عائلة الجعبري ، هلأ هدول مجرمين ومسلحين النسوان ؟؟؟ ... اتقي الله ...

عامل حالك محايد وانت نازل تدافع عن السلطة والأجهزة الأمنية وفتح ...

وازا عند عائلة الجعبري سلاح ، مع انو السلطة الفتحاوية اخدتو الها ، طيب انت يا بطل وكتائب الأقصى شو عملتو لليهود في المدينة تبعتكم ؟؟؟ ...

بكفي تشويه للخليل واهلها ، وعيلة الجعبري خرجت استشهاديين كتير ...