[ابوخضر]

يــــــــا بـــحــــــــر

--------------------------------------------------------------------------------

يابحر ياللي على شاطيـك قلنـا كـلام

وهاضت مشاعر ودمع عيوننا بعض ماك

يابحـر يامـا تعاتبنـا وذبنـا غــرام

وياموج نشرد وترجع ثـم نرجـع وراك

ويابحر مابـه رضيـع إلا وراه الفطـام

واحنا فطمنا الزمان اللي تلاطـم كمـاك

وتاهت خطانا وتهنا يابحر فـي الزحـام

وبديت ياقلب في سكـة تعبـك وشقـاك

وفـي همـوم الحيـاه تبعثـر الإهتمـام

اشيا كثيره هنا يابحـر صـارت هنـاك

وجيت نفس الشواطي بعد عشرين عـام

واثري لحالي ونا كنت أحسب إني معاك

وهمست لك في ضميري لك عتاب وملام

لكن وربـي بقلبـي مـا تغيـر غـلاك

وفي عيني انتي كما ماكنت واكبر مقـام

ولا زال نفس إنبهاري ألأولي في حـلاك

وقلت ماحـد معانـا وش لـزوم اللثـام

وكني سمعتك تقولين إشرد الموج جـاك

وقفـت وتلعثـم لسانـي بباقـي الكـلام

وصارت دموعي لحالي يابحر بعض ماك




اخوكم ابوخضر شمس الدين