[ameerelarab]

المشاركة الأصلية كتبت بواسطة AMJAD مسا الخير أمير العرب ومسا الخير للكل المشاركين بالموضوع (المعصبين والرايئين)
خمسمية عسكري دخلوا الخليل بسلاحهم وسياراتهم واسم الحملة ( إشراقة الوطن)، هلأ مش خلاف بلشت الحملة بجنوب الخليل ( يطا، الفوار) صادورا سلاح، صادروا سيارات (غير قانونية)، بس كمان اعتقلوا @_@٨‬@_@٢‬ عنصر وكادر من (حماس)، وأسمائهم سُجلت من قِبَل (النيابة العامة) لدى مكتب الصليب الأحمر في الخليل (كسجناء سياسين).. يعني كمان ما في خلاف.. ( والحملة لسه بأولها)، قبل هيك كشفت أجهزة الأمن نفق معد لتنفيذ عملية ( وتم اعتقال تلت شباب من قِبَل اليهود) بعد اكتشاف النفق بساعات ( هلأ همه بالتحقيق عند اليهود) الله يصبرهم، وكمان كشفت أجهزة الأمن مخزن للمتفجرات في (بناية سنقرط)، وكمان اصحاب البناية (لليوم في التحقيق عند اليهود) والله يصبرهم..

أمير العرب: الحملة هدفها الحقيقي(السيطرة كلياً) على ( مدينة حماس) كما وصفها رئيس مجلس المستوطنات في الضفة، وخاصةً بعد دعوة الناطق باسم كتائب القسام لعناصر حماس (بمقاومة الإعتقال ولو بالرصاص)..
وبالنماسبة الخارجين عن القانون في الخليل ( المدينة)، أوكارهم في المنطة الخاضعة للسيطرة الإسرائيليه ( يعني ممكن يتم اعتقالهم من قِبَل اليهود وتسليمهم للإرتباط الفلسطيني)، بس الخمسمية عنصر لأكتر من هيك!!! في وقت فيه ميزانية السلطة ( تحت الصفر) ما بنشوف الدعم إلا بسلاح الأجهزة الأمنية وناقلاتهم، (دايتون في الخليل)!!!
أمير العرب كل الإحترام لكتائب شهداء الأقصى إللي لليوم بسجن جنيد، كل الإحترام لأبناء فتح الشرفاء إللي بترفعهم السلطة للتقاعد مُبكراً .. أو بتوكلهم السلطة بأعمال في السفارات ( خارج فلسطين) .. كل الإحترام للفتحاوية إللي بيطالبوا بإعادة إنتخاب المجلس الوطني ( إللي أغلب أعضاؤه ماتوا)..
كل الإحترام لسجناء فتح المؤبدين إللي ما رح يشوفوا الحرية إلا ( بعمليات التبادل)..
كل الإحترام لأبناء فتح المبعدين، إللي بتمنعهم إسرائيل من العودة ( لأنهم خطر)، أو إللي رافضين العودة تحت ظل (السلطة)..

مرحله وبتعدي .. والمقاومة بكل المراحل ( ولن تكون الخيانة وجهة نظر)

أمير .. تقبل مروري

تحياتي اخي الكريم

يمكن في نقط ما بختلف معك فيها

وفي يمكن بحتاج لنقاش

انا ما بنفي اخطاء ولا تسرع قادتنا في بعض امور

وما بنفي انه في علاقه واضحه مع الكيان واسمه الارتباط

بتفق معك انه في شرفاء ومحاصرين او مغيبين لك موجودين

وانشاء الله بيجي الوقت الي بيكون الهم وقفه

لكن قبل كل شيء احنا بشر

وقرارنا فلسطيني مهما يكون

انا نشرت هون خبر والتعليقات اغلبها واضحه واسلوب التهجم والغلط

وبنسوا اعمالهم وتصرفاتهم ومذابحهم

معلش اخي الهموم الفلسطينيه اكبر من انه تشيلها صفحه او يحويها موضوع


تحياتي يا طيب