[MoHaDe]

المشاركة الأصلية كتبت بواسطة Arabian girl يلا انا ببلش بالاسئله ههههههه
الصديق وقت الضيق ^^
1)موقف جنوني والله اشتئت لمواقفك بس حذفول الموضوع :(
2)شخص بتحبو من قلبك؟
3)شخص بتكرهو من قلبك؟
4)اكتر صفه ممكن تكرهها بشخص؟؟
5)اكتر صفه ممكن تحبها بشخص؟؟
6)امنية بتتمناها؟
7)شغله نفسك تعملها بس بتعرف انها من المستحيلات؟؟
8)عضو ازعجك؟؟
9)عضو نفسك يرجع للمنتدى؟؟
10)عضو بتحسو خفيف دم؟؟
11) عضو بتحس ما في ازنخ منو؟؟
يالله بما انك يعني بمثابة اخي
خلص بكفي لهلا ههههههه

ههههه بكفي اه
هلا ارابيانو
هههه صبابا الصديق وقت الضيق

1)موقف جنوني والله اشتئت لمواقفك بس حذفول الموضوع :(

يا الله شو بحبو لموضوع المواقف بدي اطالب بترجيعو :(
موقف جنوني ممم
هي موقف بس مش جنوني بس صبابا هههه
هادا مبارح بفيق من هالنوم بلاقي هالدنيا شتا ومطر وحالتها حالة وبطلع من الشباك بلاقي مي عالارض وحالة ههه وكنت مقرر قبل بيوم انو البس بوت الجيش تاعي بوت اصلي تاع قوات خاصة ههه شوفوا الترابط بالموضوع قبل بيوم وصبحت الدنيا شتا ههه المهم والله لبست بنطلون مع جيب عالجناب وقصص بشبه تاعون الجيش بس جينز ولبست البوط وحشيت اطراف البنطلون جوا البوت زي الجيش بالزبط هههه ولبست فوق جاكيت من تاعون القوات الخاصة اذا بتعرفوهم بكون زي نايلون ولا ابصر كيف ولونوا كحلي غامق وشو طلعت زي تاعونا لقوات الخاصة هههه المعم طلعتعالمتيسة وهالعالم بالطريق بطلعو بحكو من اي معسكر طالع هههه وصلت عالمتيسة دخلت الباب واذ بنائب المدير كان بالممر بطلع عليه بلاقي صافن بالبوط ههه دخلت الصف نفس الشي الاستاذ هههه اللي جمبي بقلي شو داخل تجنيد ولا شو قصتك هههه انزلنا عالفرصة الاش فت واحد صاحبي هادا الشب مسميني قائد الثورة ههههه اول ما شافني ضل 10 دقايق يضحك ههههه بقلي شو هادا بقلو كنت الصبحيات بالميدان واجا وقت المدرسة مصرش معي وقت اغير الاواعي هههه فاجيت عالمتيسة هههههه وطبعا مرقت الحصص ومحسوبكم نعسان وبدو يموت على ما توصل الحصة الاخيرة ويضل ماعط عالدار المهم اجت الحصة الاخيرة وتهبلنا احنا والاستاذ مع بعض بصفتنا اخر صف بروح بالمتيسة وبعدها روحت وهادي هي القصة هههه

ههههه بلعي كتير

2)شخص بتحبو من قلبك؟يعني في كمشة ناس
العيلة والاصحاب وانتو بالمنتدى


3)شخص بتكرهو من قلبك؟
مممم فش حد

4)اكتر صفه ممكن تكرهها بشخص؟؟
النفاق والخيانة وقلة الادب

5)اكتر صفه ممكن تحبها بشخص؟؟

طيبة قلبو وسرعة البديهة يعني بالمواقف بعرف شو يسوي مش بلتخم والشجاعة

6امنية بتتمناها؟
هم تنتين
وحدة ان شاء الله بعد التوجيهي الله يوفقني وتزبط معي
صعب تقولها عالنت
والتانية خليها سر ههه

7)شغله نفسك تعملها بس بتعرف انها من المستحيلات؟؟
ممم
هي بجوز الشغلة الاولى اللي بتمناها تصير في ناس ممكن يفكروها مستحيلة بس ان شاء الله فش شي مستحيل وتزبط معي
مش عارف فش شي هههه

8)عضو ازعجك؟؟
واحد مرة سجل برمضان وحط صور مش لغاد غاد

9)عضو نفسك يرجع للمنتدى؟؟
الحجة سنكرس ( زركا ) و مجدلاوي فايع و فتى الانبار بطلنا نشوفوا وحكاية احساس برضو صارلي فترة مش شايفها وعندك رافت وابو النور ويعني كمان كم واحد

10)عضو بتحسو خفيف دم؟؟
انتي طبعا هههه صبابا خاصة بالمواقف الجنونية

11) عضو بتحس ما في ازنخ منو؟؟
ممم خليها سر هههه
والله انك متل اختي واعز
ومن اكتر الاعضاء اللي الهم معزة خاصة عندي

منورة ارابيانو