[محمود]

وأنا في الروضة كنت مشاغب كتير .

المعلمة كانت بدها تنقم مني فأعطتني انشودة حتى احكيها تاني يوم الصبح انا والمجموعة

الي كانت تتدرب عليها من أسبوع وبدها اياني أنشد معهم وعارفاني بخجل من طلوع المنصة

واخوكم بالله يروح على الحارة وينسـى الانشودة .

وتاني يوم الصبح لبسوني الزي تاع الانشودة وانا ما بعرف ولا كلمة فيها ، وطلعت على المنصة وانا خايف

لما بدت الانشودة ما بعرف كيف كانو يحركوا ايديهم مع الانشودة صرت اطلع على الي جنبي كيف بعمل وأقلده

وانا مش فاهم شي وأما بالنسبة للانشاد قعد افتح تمي واسكره وأعمل بعيوني كأني حافظ وكأني منسجم

بالانشودة وانا عاد لا فاهم فيها شي ولا عارف عن شو بتحكي .

بعد ما خلصت الانشودة بتقلي جدع وسلمتني جائزة كأني حافظ ههههههههههههه ..