[.:.!دموع الرحيل!.:.]

الله يسعدكـ أختي ويبارك فيك ِ يا رب

بوركت ِ على هذه الخطوة ..

بالنسبة إلي كـ َلاجئة خارج بلدي الحبيب ..

وبمـا إني أيضا مش ساكنه بمخيم ,,

أعاني من نقصان اليد العاملة في سبيل خدمة القضية ..

يعني الي حوليي ( المجتمع ) يا دوب الي فيهم من مصايب تكفيهم ..

أو كـ نوع من الخمول دخل إلهم جميعا ً ..

لكن الحمدلله .. على نطاق العائلة في تحسن ملحوظ ..

يمكن القضية كانت تكاد تذكر من قبل .. في بيتنا وفي اجتماعاتنا العائليه ..

إلا أنه الحمدلله بعد ما شافوا حرقة الدم والاندفاع الي عنـدي ..

صار في البعض يعتز بكونه فلسطيني بعد أن كان يشعر انه هذا الشيء

عبئ عليه بسبب معاملة البلد الي نحن فيها إلنـا ..

البعض صار من أهم أولوياته القضية .. أو عالأقل صارت فلسطين في البال نوعا ً ما

بعد ما كانت شبه منسيّة ..

طبعا لو كنـا عايشين جوا مخيّم وبين فلسطينية .. ما كان رح نكون محتاجين للتذكير بفلسطين

بس لأنه كل حياتنا .. بين مجمتع لبناني .. ما كانت تنذكر قضيتنا الا قليلا ً

لكن هلأ الحمدلله ،،

بس لسه الوضع بحاجه لشغل ،، لأنه لا بد من الحب .. والتعاطف انه يقترن بعمل ..

بس متل ما ذكرت .. الأيـادي العامله مش موجودة حوليي !

أو مش كافيه ..

يعني الي ذكرته فوق نوع من أنواع ( مشكلة ولها حلّ )

حبيت اذكر تجربتي مع العائلة ..

انه التذكير بالقضية .. وانهم يشوفوا عليك .. حرقتك على بلدك

وتقدر تأثر فيهم بصدقك ،، ممكن يكون طريق لتسـاوي من أي شخص ..

إنسـان خادم للقضية .. !

~ ~

هلأ بالنسبة للنشاطات .. في شوية عقبات .. وهذه الي ما إلها حلول ..

أي نشاط بدنا نقوم فيه ،، مثلا لو احتجت أخوي فيها ..

وقام أخوي بهالعمل .. رح يكون فيه على عمله وتحركاته مليون خط أحمر

بس لمجرد أنه ( فلسطيني )

هو إذا بدو ينزل بشكل طبيعي عالشـارع بوقت متأخر ..

بكون فيه عليه شبهه بس لأنه فلسطيني ..

واحتمال تكون التهمة لو مسكوه بس بيمشي بالطريق أو بيعمل أي تحرك لا شيء ..

سوى أنه فلسطيني !

لذلك الي بده يتحرك اي تحرك هون .. بده يحسب مية حسـاب ..

هاي مشكلة ما الها حل الحقيقة ،،

لكن لو كنا ساكنين بمخيم بين ابنـاء بلدنـا

كان رح يكون في تفاعل أكتر طبعا ً وتحركات ونشاطات لا تنتهي !

،،

العمل الي لا بد منه .. والي لازم كل انسان بخاف عالقضية انه يساويه

هو المقاطعه ثم المقاطعه ثم المقاطعه على الأقل .. قدر المستطاع !

هذا أقل شي ممكن نقدمه .. لوطننـا وأبنـاءهـ

،،

كمـان شغله وهي رساله لكل فلسطيني ..

لازم كل واحد فينا يعرف انه هو سفير لوطنه في الخارج

وكل حركة بنسويها محسوبة على وطننا ،، قبل ما هي محسوبة علينا كأفراد

يعني سواء من ناحية الأخلاق ،، والمعامله مع الناس ،،

وحتى بالتعلم ,, والتفوّق ،،

جميع هذه الأعمال .. بتخلينا نرتقي ببلدنا .. حتى ونحن برّا ومبعدين عنّه ..

هي أمور دقيقة لازم ننبته إلهـا ،،

الله يجزيك ِ الخير حبيبتي ..

ان شاء الله لـو طلع معي بعد شي برجع ،،

الله يبـارك فيك ِ أختي الحبيبة .. وبكل أهلنـا الغاليين في السودان