[بنت الشام ..]

اخـي فتى الانبار ...

بالنسبة للفتوة الي عم تحكي عنا .. ماعاد في فتوة للبنات من زمان

وامي الحمد لله محجبة وعلى اياما كان في فتوة بس ما حدا جبرا تنزع حجابا ...

انا بئلك النظام صح فاسد متلو متل اي نظام عربي تاني ..

والمعسكرات .. المعسكر الطلابي مو اجباري اما الجامعي فهوي اجباري وبيصير والبنت محجبة عادي

يا اخي الشعب السوري 95 بالمية او اكتر يمكن مسلمين 70 بالمية سنة ... يعني مستحيل كل هدول يسكتو

ولا شو ..؟؟

والرشاوي هاااااي موجودة بالعاااااالم كلو مو بس عنا ..

وبصراحة انا قرأت رد عن العراقيين بسوريا ..

الله يسامحك يا اخي ... انت مانك عرفان شي لكن ..

عنا العراقي عايش احسن من السوري ... واغلب هجمة الغلاء الي صارت لاسعار البيوت عنا من ورا التواجد العراقي

لكن انك تنكر احتضانا الو هاد شي بصراحة ............ ما توقعتو

انت بلد مانك عايش فيا ... بتمنى ماتحكي عليا حتى تتاكد ...

انا ما بدافع عن النظام .. النظام عنا سيئ ...

اما بالنسبة لكلام نانا عن الاخوان المسلمين

هدول مو متل ما انتو معتقدين بدون يسو دولة اسلامية ... هدول بدون الحكم لحالون وبس

انا جدي .. سني ولله الحمد .. مدير اوقاف حماه وحمص .. قتـــــلوه .. ليش لانو تابع لحزب البعث ..!!

هاد مو حرام

ابو زوج خالتي كمان قــتلوه قدام اولادو .. وشحطو بسيارة بكل حماه .. ليش مو لانو علوي ولا لانو مسيحي ..لانو بعثي ..!!

هدول مو مشان الاسلام عم يقاتلو ...

وقت سوريا طردتون وقتلتون كان مافي طريق قداما غير هيك ..

انا لو بدي احكي عنون ما بخلص لان اهلي عايشو هاي الفترة وحكولي شي ما بينحكا عنون ...

وعلى فكرة اهلي ما بحبو نظامنا ...

كترت بالحكي بعرف بس كان لازم رد ..

اختك بنت الشام ..