[.!. وردة الأقصى .!.]

المشاركة الأصلية كتبت بواسطة السيف عدي ورده .. منورة ..

ما بدنا نتقل عليكي بالاسئله ..

- شو بيعنيلك رمضان ؟

- كيف ذكريات طفولتك مع رمضان ؟ بالمدرسة والبيت وهيك ..

- كيف كان رمضان السنه معك ؟ مر بسرعة ؟

- كم مرة ختمتي القران او كم جزء خلصتي ؟

- انو اكتر برنامج ديني تابعتي ؟ ومين اكتر شيخ لفت انتباهك ؟

- بتصلي التراويح في المسجد او البيت ؟

- شو طقوسك في العشر الاواخر من رمضان ؟

- اي ليلة حستي اكتر شي انها ليلة القدر ؟

- كم مرة انعزمتي وكم مرة عزمتو بالبيت ؟

- اكتر اكلة بتحبيها في رمضان .. الاكل السعودي او الفلسطيني ؟

منورة خيتو .. وكل عام وانتي بخير ..

ورده .. منورة ..

مرسي النور نوركـ حسام

- شو بيعنيلك رمضان ؟

رمضان شهر الطاعة والغفران ولازم نستغل هالشي بهالشهر

- كيف ذكريات طفولتك مع رمضان ؟ بالمدرسة والبيت وهيك ..

ممممم بصراحه مش فاكرة الا ايام ماكنت برابع ابتدائي

قبل هيكـ مش فاكره

كانو بنات صفي يجو ويجيبو معهم أكلهم

بس انا كنت اصوم غصبن عني

من وعمري 8 سنوات وانا بصوم الحمدلله

كان بابا الله يخليلنا اياه يحكيلنا اللي بضل صايم للمغرب باخدو على سوق الألعاب ويختار اللعبه اللي بدو اياها

وطبعا ً انا فتحت محل من كتر الألعاب اللي سارت عندي

وأخوي يجي يفككـ ويكسر فيهم

- كيف كان رمضان السنه معك ؟ مر بسرعة ؟

أحلى رمضان مر عليي بحياتي ,, بس مر بسرعه والله ماحسيت فيه

- كم مرة ختمتي القران او كم جزء خلصتي ؟

ختمتين وماشية بالتالته الجزء الــ 15

- انو اكتر برنامج ديني تابعتي ؟ ومين اكتر شيخ لفت انتباهك ؟

برنامج خواطر ,, أكتر شيخ لفت انتباهي الشيخ محمد العريفي و الدكتور الجبير

- بتصلي التراويح في المسجد او البيت ؟

في المسجد

- شو طقوسك في العشر الاواخر من رمضان ؟

مشغولة لفوق راسي

التجهيز للعيد يعني والأحلى من هيكـ انو خطوبة خالتو 3 يوم العيد

فقاعدين بنجهز للتنين

مع انو قولي شو بتكرهي بقولكـ الأسواق بهي الفتره بتكون عجئة مش طبيعيه والشوارع والطرق غير شكل بهالأيام

- اي ليلة حستي اكتر شي انها ليلة القدر ؟

ليلة 27 مبارح يعني

- كم مرة انعزمتي وكم مرة عزمتو بالبيت ؟

أوووه عد واغلط مش فاكره والله بس كتير

احنا عزمنا يمكن 5 مرات وبكل عزيمة بكون الجلي علي

- اكتر اكلة بتحبيها في رمضان .. الاكل السعودي او الفلسطيني ؟

لاء طبعا ً مابحب الأكل السعودي بالمره وماباكلو

الأكل الفلسطيني ؟ متل شو يعني

بس أكتر أكله بحبها الملوخيه والمسخن والباشميل

وورق العنب كمان بس زهئتو هالسنة من كتر ماعملتو ماما

منورة خيتو .. وكل عام وانتي بخير ..

ياهلا فيكـ النور نوركـ ولووو

وإنت بخير وصحة وسلامة