[فارس الوطن]

المشاركة الأصلية كتبت بواسطة الساطعة

هلأ يعني رح نسأل فارس الوطن ...
رح اكون اول وحدة بتسألك بس بتجاوب ... اوكا ..

اممم .. من عيوني

المشاركة الأصلية كتبت بواسطة الساطعة

من هو فارس الوطن ..؟؟؟

هو عضو في منتدى شباب فلسطين ... ههههه .. لا لا بمزح .. راح جاوب عليه ضمن جواب اخر سؤال

المشاركة الأصلية كتبت بواسطة الساطعة

ماذا يعني لك منتدى شباب فلسطين ؟؟؟

انا ماليش في المنتديات كتيير لكن منتدى شباب فلسطين لاحظتو ووللامانة مميز ومختلف عن باقي المنتديات وكتيييير بعنيلي .

المشاركة الأصلية كتبت بواسطة الساطعة فارس الوطن شو سبب اختيارك لاسمك ؟؟؟

لانو بدل ع العظمة والرهبة وروح التضحية .. كنت بدي اسجل باسم فارس فلسطين .. بس لقيتو موجوود قبل

المشاركة الأصلية كتبت بواسطة الساطعة
اخبرنا عن فارس الوطن في خمس سطور ؟؟؟

انسان طموح من الدرجة الاولى .. طالب جامعي يرجو من الله التوفيق في الدنيا والاخرة.. اللي بشوفني وبتعامل معي لاول مرة بفكرني عصبي .. لكن لأ .. اللي بعرفوني منيح بعرفو اني شخص اولا واخيرا بضل طيب .. ومرح وحبوب ..جرئ بمرتبة الجنون ..البعض بوصفني بالمغرور .. وما بعرف ليش هيك مع انو مبدأ مهم عندي (من تواضع لله رفعه) .. بطبيعتي ما بعطي وجه لاي حد ما بعرفو كتيير وباي مكان بدخلو ما بعرف فيه حداا بضل ساكت اسمع وبس وان اجت الفرصة المناسبة للحكي بحكي ..وبحب كون متحفظ وما احكي عن حالي لاي حد لهيك ممكن البعض بوصفني بالغامض .... كتير ناس حكولي انتا بتعد من واحد لعشرة قبل ما تحكي الكلمة ..اممم... من ناحية تانية .. ما بعرف المستحيل لانو مش موجود والشي اللي بدي اياه بجيبو ولو كان في اخر الارض ..



تحياتي ..