[الحان الحرية]

عدنا ...

صباح الخير ...

نكمل مع المنتدى ..

قبل ما اسجل بالمنتدى بفترة كنت ازا حدا سألني من وين انتي ؟ من فلسطين

طيب شو صاير بفلسطين ؟! ها ! الله العالم

ولا بعرف اشي عن فلسطين

يا دوب شكل الخريطة

المهم

سجلنا بهالمنتدى

و المنتدى اسلامي فلسطيني بالدرجة الاولى ...

صرت اشوف الاعضاء بيحكو عن فلسطين

و كل الاعضاء محترمين و ملتزمين ..

أول شي كنت ما افوت ع المواضيع يلي بتحكي عن فلسطين

بس بلشت افوت شوي شوي ..

و صرت ابحث ع النت

و اقرأ

و اشوف تاريخ فلسطين و شو صاير فيها

و كيف اليهود فاتو


شو هدفهم و اشمعنا فلسطين ؟!



عرفت انه الله انعم علي اني اكون من هالبلد الطاهرة ..

هالارض المجاهدة

و احلى وطن بالعالم

مهد الديانات

و لو هي مش هيك و اكتر بكتير ما كان اليهود احتلوها !

صارت فلسطين اغلى شي بهالدنيا بالنسبة لألي ....

كنت كل يوم احلم بفلسطين


أول شي اقتصر الموضوع بس ع كتابات و ميداليات عليها علم فلسطين

و هالاشياء السطحية !

مع الوقت ادركت انه هالاشياء ما بتفيد فلسطين

يلي يلي فلسطين بدها اياه هو دين قوي و علم نافع

بدها جيل صاعد يكون تحريرها ع ايده ..


و متل ما بيقولو بدأت من نفسي

صرت احس الكل بتغير معي مش لحالي بتغير !

من الصغار للكبار

هيك لحد ما خليت كل الناس يلي قراب مني يحبو فلسطين

و السنة الماضية بنات صفي كانو ينادوني الوطنية ههههههه << ما ازنخهم :P

الخلاصة انه هالمنتدى فعلاً غير كتير بحياتي

بشكر كل يلي ساهمو و بيساهمو فيه

و الله يديمه للامة