[بنت الشام ..]

في الجزء السابق حكيت عن .. حلـــب ..

وعرضت بعض الصور ... وسمعناكون بعض المصطلحات الحلبية ...

والحمد لله كنتو متعاونين معي ... وماقصرتو بالردود ...

ـــــــــــــــــــــــــــ

وهلأ اجا دور الجزء التاني ...

جزء الاربعين صورة ...

لايطب ئلبكون .. اي اربعين صورة

وهالصور عبارة عن رحلتي الى الشـــام ...


اول الشي رح بحكي عن القروب ..

نحن عبارة عن 4 عوائل اصحاب البابا ...

كل عيلة فيا ماشاء الله من الاولاد هههههه

لهيك كانت روووحة من العمر ...

نبتدي ...

طبعا نحن انطلقنا من حلب الساعة 6 الصبح متجهين الى حماه على امل انو رح نفطر هونيك ولمن وصلنا .....!!!!



متل مانكون شايفين المطعم مافيه حدا ..هههههه

لزلك ضبينا حالنا وكملنا وضلينا بلا اكل حوالي 3 ساعات لين وصلنا الي مطعم حوالي الشام اسمو .. طيـــبــة ...



بعدها ... انطلقنا لبلودان .. كانت الخطة انو نبات ببلودان بالاول ..

وهي صور من اطلالة الشقة الي كنا ئاعدين فيا ..







باليوم التاني ... انطلقنا الى الشام .. وهي صور لاوتستراد المزة





كانو الشباب بهالوقت جاعو فرحنا ناكول بمطعم بوابة دمشق ...



بوابة دمشق اخد جائزة جينيس لاكبر مطعم في العالم ..



وهاد الخبر من موقع العربية ...
http://www.alarabiya.net/articles/2008/06/05/50995.html

وفي بالمطعم حجر نيزك صاحب المطعم عارضو بالمطعم ..



وهي الصور للمطمعم بشكل عام ..









بأ نحن رحنا اكنا بالمطعم الهندي ..



وهي بعض الصور من الداخل ... المطعم من الداخل اجمل بكتييييييييير من الصور بس للاسف الصور الحلوة راحت على اهلي

ههههههههه









هي الصورة تدل على مهارتي التصويرية ههههه





على فكرة نحن طلبنا اكل سوري مانو هندي ... بس باقي اعضاء القروب طلبو هندي بس للاسف بعد ماشافوه بطلو الاكل من اساسو هههههههه

شبعنا ولله الحمد .. الناس شبعت .. وين قررو يروحو ... على الارض السعيييدة ...HAPPY LAND

هي مدينة العااب كبييرة .. اكبر وحدة في سوريا واحلا وحدة ..

بس ماطلع من خاطري غير هالتلت صور.. شووووو ... بدي العاااب








بعدها قررنا نروح على جبل قاسيون وبالطريق التقطت هالصورة ... هاد الرمز كتير بيحبو السوريين مدري لي ..!!



وبالطريق استوقفنا محل لبيع الحلووو ... ياويلي من الحلوو انا ..

اكلت اختكون بنت الشام ... نابلسية



ماشبعت .. راحت اكلت معجوقة ...



وكملنا طريقنا لجبل قاسيون وهي صورة من هونيك من فوووق الجبل ...



وهونيك شفنا كلب لززيز وصورتو ,, شوفو ...



اي وبعدا رجعنا على بلودان على الشقة ...

ـــــــــــــــ

اليوم التالت ... وهوي اليوم الاخير النا ... قررنا اننا ننطلق الى معلولا ومنها الى حلب ...



وهي صور من مدينة معلولا ..




هونيك كانت الاتفاقية اننا نروح على دير مسيحي .. ولكن اول الشي كان لازم نعبر فج ..

فج هوي طريق ضيق داخل الجبل ..

جمب هالفج كان في معبد تاني غير الي نحن رح نزورو ..

يعني دير قبل الفج .. ودير بعد الفج ههههه



وهي صور من الفج ..







هاد المكان كمان موجود بالفج .. هوي عبارة عن قبة وتحتها بتمشي مي .. في عندون اعتقاد المسيحيين انو الواحد بيشيل منديل وبيتمنى بقلبو وبيحطها بحيط هالقبة ...



بعدين بئولولك الناس المسيحيين هونيك انو هالفج اول ماكان موجود ... بس هي في عابدة هربت من قوما وقوما لحقها .. حتى وصلت قدام هالجبل .. فرب العالمين فتحلا الجبل مشان تعبر بسلام .. وهيك هي وصلت على الطرف التاني واسست هالدير الي نحن زرناه الدير الي بعد الفج ....

وهي الصور ..



وهي من جوا الدير ..



وهي الكنيسة بس للاسف ما سمحولنا نصور من جوا ..



طلعت وحدة مرا واتطلعت فينا شافتنا شلة مسلمين ... زورتنا وطولت وقالتلي

((لوو سمحتي التصوير ممنوع يا انسة ))

انا ارتعبت وشلت الكاميرا فورا ههههههه

ـــــــــــــــــــــــــ

بالاخير كانو الشباب جاعو ... رحنا وتغدينا بمطعم اسمو الجلاب ...



وبعدها ضلينا شادين لوصلنا على حلب وانتهت رحلتنا الراااائعة ...

بتمنى تكون الصور نالت اعجابكون ...

استودعكم الله الى الجزء الذي يليه ..