رد: :. حكاوي رمضانية / الحلقة الأولى " لحظات أخيرة كانت ستفصلنا عن أحد أعضاء المنتدى " .:
السلام عليكم جميعا
كيفك اخي أبو نور ان شاء الله بخير
وقدر الله ما شاء فعل
وعلى فكرة انا حاسة فيك والله لاني وقعت بموقف من اسبوعين شبه موقفك
وهوانه احنا عندنا في مصر بنمتحن امتحان بعد امتحانات الثاوية العامة واسمه المستوى الرفيع وهو بيزود 2 في المية من نسبتك اذا جبت علامة كاملة فيه
وفيه نظام في مصر انه المصريين المغربين (اللي زيي يعني) يمتحنوا الامتحان في شهر 8 مش في 7 زي المصريين العاديين
المهم يعني بابايا راح المنطقة التعليمية و سأل عن ميعاد الامتحان بالظبط فقالولوه انه يوم 25-8 ولما رحت انا المدرسة في اليوم ده وسألت حارس المدرسة فبيقلي انتي غلطانة الامتحان فات من اسوع واليوم الطلاب هيمتحنوا امتحان الجغرافيا الدور التاني
ولما كلمت بابا في التلفون قالي انه المسؤول اللي في المنطقة التعليمية قاله انه امتحان المستوى الرفيع مع امتحان الجغرافيا الدور التاني في نفس اليوم
ولما قلت للحارس كدة قالي لا انتي غلطانة ده في يوم وده في يوم تاني ووراني جدول الامتحانات
بس و في الاخر يعني ما امتحنتش وربنا يسامح المسؤول
وقدر الله وما شاء فعل
وفعلا يعني انت تريد وانا اريد والله يفعل ما يريد
فخلينا نسيبها على الله
واسفة طولت عليك
وربنا باذنه تعالى هيفرجها علي وعليك و ان شاء الله تيجي عندنا مصر في اقرب فرصة :)
|