[مؤيد]

المشاركة الأصلية كتبت بواسطة ليـــــــــــــال

مع احترامي الشديد لرأيك

بس كيف ممكن الوحده تعرف اذا زوجها راح يضربها او لأ

هالشي مابينعرف الا بالزواج وبعد العشره

أول شي انا أكره ما علي حدا يفهمني بطريقة انا ما بدي ياها ...

لا ممكن تعرف قبل الزواج اذا ممكن هذا الشخص يكون عدواني ومتخلف ونوري والا لأ ...

بس خليها تكون ذكية شوية وتفكر بعقلها منيح ... ولازم تفكر وتكون عارفة زوجها منيح ، والا لشو البنات بحبو وبيعشقو قبل الزواج تحت ذريعة انو بدها تعرف حبيبها منيح قبل لا تاخدو ...

وبعدين مش كل انسان متدين مابيضرب

بالعكس كتير ناس متدينين ولكنهم فاهمين الدين خطأ وبيتعاملوا مع اقل زله بالضرب المبرح

انتي هون تساءلتي وجاوبتي بنفس الوقت ...

ازا مشكلة البعض انو مش فاهم الدين صح ، فهاي مشكلته وهو ما اسمو متدين ، بالعكس هذا قليل دين ، لإنو رسولنا محمد عليه الصلاة والسلام ما عمره ضرب اي زوجة من زوجاته ، هادا هو التدين ، اما اللي بصلي في المسجد وبيضرب مرته بدون سبب هادا متلو متل الصايع في الشارع بعيد عن التدين ...

لإنو الدين مش صلاة وصوم وحج وعمرة ، الدين سلوك وتصرف وتفكير وثقافة وأدب وذوق وأخلاق ...

ولما تيجي تحكي معهم بيقولوا انو الله هيك قال (( واضربوهن))

متناسي انو الضرب الو شروط واحكام

وهو مرحله بتبدأ بنهايه مراحل سابقه

برضو هاي مشكلة اللي بيدعي التدين ، مش مشكلة التدين نفسه ...

وبالنسبة للضرب في الإسلام فهو آخر حل ممكن يلجأ اله الرجل ، بس مش فرض ولا سنة انو يضرب زوجته ، وحتى الضرب في الإسلام بعض العلماء قال انو ضرب الزوج لزوجته يكون بطرف السواك ، تخيلي أديش الضرب بسيط ، حتى ما اسمو ضرب اصلا ...

انا عم شوف من كلامك انك حملت الست كل الغلط مع انها ممكن تكون مظلومه وراضيه بنصيبها ومحتسبه الاجر

شكرا الك

أنا ما حملتها ، انا قلت ممكن ، يعني ممكن آه وممكن لا ، وازا أخطأت بكون خطأها في اختيارها لهذا الإنسان ...

وبتمنى لو انك شفتي هاي الجملة اللي حكيتها في مشاركتي السابقة :

وهو ما بيحق اله يضربها بهيك طريقة ، هذا مش انسان بصراحة ولا يستحق انو يتسمى انسان ، وحسبي الله عليه ...

وكل الاحترام والتقدير الك ...

والاختلاف لا يفسد للود قضية ، مع اني مش شايف انو نحنا مختلفين اصلا ،بس سوء تفاهم ...