المشاركة الأصلية كتبت بواسطة مؤيد
على الأغلب الغلط منها هي ...
لإنو لو انها اختارت واحد منيح وعندو دين كان ما صار معها هيك ...
للأسف كتير من بنات اليوم هيك بصير معهم بعد الزواج ، لإنو صاروا يحبو الشب على شعراتو الواقفة وعلى بنطلونو الساحل وعلى الموضة الشاذة اللي ماشي عليها ، بطلو يحبو الشب لرجولته وايمانه بالله واخلاقه وثقافته ...
وممكن هي منيحة البنت ، بس هي أخطئت في اختيارها لزوجها ، وهو ما بيحق اله يضربها بهيك طريقة ، هذا مش انسان بصراحة ولا يستحق انو يتسمى انسان ، وحسبي الله عليه ...
بصراحة الموضع كتير صعب لإنو خاص كتير بين زوجين ، وشو ممكن نعمل مش عارف وشو ممكن تعملي برضو مش عارف ...
يعطيكِ العافية رولا فداء ...
مع احترامي الشديد لرأيك
بس كيف ممكن الوحده تعرف اذا زوجها راح يضربها او لأ
هالشي مابينعرف الا بالزواج وبعد العشره
وبعدين مش كل انسان متدين مابيضرب
بالعكس كتير ناس متدينين ولكنهم فاهمين الدين خطأ وبيتعاملوا مع اقل زله بالضرب المبرح
ولما تيجي تحكي معهم بيقولوا انو الله هيك قال (( واضربوهن))
متناسي انو الضرب الو شروط واحكام
وهو مرحله بتبدأ بنهايه مراحل سابقه
انا عم شوف من كلامك انك حملت الست كل الغلط مع انها ممكن تكون مظلومه وراضيه بنصيبها ومحتسبه الاجر
شكرا الك