[بنت فلسطين المجروحة]

السلام عليكم

عليكم السلام ورحمة الله وبركاته

خيتو بدي اغلبك شوي ببضع طلبات يا ترى ممكن

؟

اتفضلي ان شاء الله انفذها كلها

باعرف ممكن باستعبط بس

^^

المهم

1- شو انتقاداتك للستايل الجديد للمنتدى ؟

اول اشي انو فيه فلاش وصوت وهادا للناس الي عندها النت بطيء راح يطلع روحها عشان هيك انا مختارة الاستايل القديم و كتصميم مابعرف حاسة انو مليان صور انا من النوع اللي بحب الحاجات تكون بسيطة

2- شو البلدان اللي زرتيها لحد هلا وحدديلي اكثر شي عجبك في كل بلد وشو احلى بلد فيهم ؟

1. مصر : الاسكندرية بتجنن ومكتبة الاسكندرية رائعة
2. المغرب: رحت افران حلوة بتجنن وناسها طيبين ومافي متلهم
3. السعودية : بحب المدينة والله لو الواحد بدو راحة نفسية مابعدها راحة ويحس فعلا بالامان مافي احسن من المدينة وناسها
4. الكويت : ماقعدت فيها كتير
5. الاردن : عمان جوها بزكرني بفلسطين
شو ضل نسيتهم ههههههههههه

احلى بلد المغرب بتشبه كتيييير فلسطين خضرة وطبيعة ونفوس طيبة طاهرة والكل كان يعاملونا كانا اخوة الهم ويخافوا علينا وكتير يحترمونا احلى معاملة والله كانت

3- ايه رأيك في منتديات شباب فلسطين بشكل عام وبصراحة ؟

كان فالفترة الماضية في قمة تالقه بس الحين خف بريقه ولو مالحقو شباب فلسطين منتداهم راح يموت !
ولو بدك تسالي ليش هيك رايي بخبرك


4

- شو رأيك في اسلوب الادارة السلبيات الاجابيات هيك .. وطبعا بعيدا عن اي مجاملات ما تخافي منهم انا هون ^^ ؟

السلبيات :

1. صبرهم قليل عالناس واهم شروط الادارة فالمنتديات انك تتحمل الناس لانو المعاملة الحسنة هي اللي بتجذب الناس الك و انا كنت مديرة فمنتدى تاني كانوا البداية يعادوني كنت اتحملهم والمعاملة الحسنة تخليهم في المنتدى

2. احيانا بحسهم بمشوا امور لناس وناس لأ مش عارفة ليش

الايجابيات :

1.انو اللي بدو بنتوا او اختو تكون فمامن ومايصيرلها اشي يخليها هان

2. بشجعوا الامور الدينية وبحرصوا عليها

5- عمرك شفتي فلسطين ؟

اه قبل 7 سنين او اكتر

6- شو امنية حياتك ؟

اموت وربي راضي عليي واندفن بفلسطين

7- شو هواياتك ؟

بحب التصميم والاشغال اليدوية وبحب اطبخ واعمل حلويات وبتفنن في التزيين

8- كم من اخت و اخ عندك واعمارهم اذا ممكن ؟

3 شباب : 24 ، 22 ، 18

صبية 16

9- حدديلي 6 اعضاء من المنتدى بترتاحيلهم و بتحسي انهم اقرب لشخصيتك ؟

الحان بحسها متلي تماما ووردة الاقص

برتاحلهم : حورية والحان ووردة والرمش الحساس و @نور@ و دموع وحكاية احساس وبلو جيرل وباسمة فديتها وانتي و ابو نور وابن فلسطين و خير امة واياد في حد نسيته بس مش عارفة مين لو تذكرت بخبرك

10- لو اعطيتك 12 وردة 6 تقسميهم على اشخاص خارج المنتدى و 6 لاشخاص من داخله لمين بيكونوا ؟

من الداخل : الحان وحورية ووردة وبلو والرمش الحساس وباسمة

من الخارج : بابا وماما واخوي اللي عمره 22 واختي و صاحبتي و دكتوري في الجامعة اللي بجد كان كاب واخ الي

11- شو اكثر قسم بتحبيه في المنتدى ؟

الحوار و التواقيع والاهداءات

12- كيف بتشوفي نفسك بصراحة ؟

بصراحة زي ماحكى الشافعي :
يظن الناس بي خيرا واني ،،،لشر الناس ان لم تعفو عني

مش اني زي الشافعي لكن بحس هيك والله

اما من ناحية الحياة ، سعادتي في سعادة اللي بحبهم واللي حولي

13- شو رأيك في حنان انا يعني ^^ بشرط الصراحة وعدم تدخل اي مجاملة في وصفك ؟

ليه انتي شفتي مجاملة مني لحد غيرك انا والله بحكي اللي بقلبي

المهم

حنان16

ايجابيات : عندك اصرار وتصميم مجتهدة و طموحة وبتحبي تكوني مميزة عن غيرك

سلبيات : عنيدة جدا (يمكن انتي ماتشوفيها سلبية ) وصريحة لدرجة ممكن تجرحي اللي قدامك ومابهمك - مع انو انا بشوف انو للصراحة حدود ومو من حقنا نجرح الناس لانو هيك رايينا -

14- شو اكثر موضوع بيعجبك من مواضيعي ؟

المسابقة اللي عملتيها بقسم الشعر كتير كانت عجباني ومتابعها

وموضوعك الحالي ان حاباها ومعجبة بهمتك الله يقويكي

15- بصدق انت بتعرفي كم عمري ؟ اذا بتعرفي خلص اسكتي اذا لا كام تتوقعي ؟

17 او 18

16- لو كنت مكان محمود شو اول شي بتعمليه في المنتدى ؟

بحط حد مع دموع لانها لوحدها مابتقدر ضغط كبير عليها ،، الله يعينها

17- بدي تعمليلي اي شي حصري مشاني بس ^^ وتصوريه وتقدمهولي هون ؟

خليني افكر فيها وان شاء الله بعملك اشي خاص فيكي

18- لو عرفت انه فاضلك ساعة وتنتقلي الى رحمة الله شو بتعملي خلال الوقت الباقي ؟ وطبعا كل شيء بيد الله والله يعطيك طولت العمر..

اكتب وصيتي واستسمح امي وابوي واهلي واذكر ربي واصلي

19- شو حكاية عجينة اللي بيحكوهالك ؟

طلعتها علي بلو كمزحة وانا حبيتها بدل اسمي الطويل بنت فلسطين المجروحة اريح للناس يعني

20- ازعجتك طلباتي ؟

لا طبعا نورتي

21- الطلب الاخير بدي تخلصيلي طلباتي هلا بسرعة ان امكن لانه مو فاضلي يمكن غير اليوم واترك المنتدى ..

تتركي لزعل ولا لدراسة

وشكرا للقائمين على الموضوع الذي استمتعنا فيه كثيرا

ولصاحبة الفكرة

ولكل من حمل مرارته (حلوة هاي ^^ ) ثقل طلباتنا

والتحية موصولة للجميع

السلام عليكم

..

^_^

عليكم السلام ورحمة الله وبركاته

نورتي حبيبتي