عدنا ...
بنكمل معكم اعزائي المستمعين ..
رأفت تفضل كمل ...
شكرا ...
يقطع الهبل ...
وصلنا لعند الدراسة ...
طبعا ما كملت و اكتفيت بشهادتي و الحمد لله ...
طفولتي ....
طفولتي كانت جدا رائعة و عشتها بكل معانيها و برائتها و شقاوتها ....
يعني استمتعت بطفولتي كتير ..
الي ثلاث اخوة و انا الرابع ...و 5 اخوات ...
ترتيبي السادس ...
ما بعد الدراسة :
لما خلصت توجيهي ... اضطريت اني ادرس بعمان ...
و كانت بالنسبة الي اول مرة رح اترك البيت و اعيش لحالي ...
كانت البداية صعبة لكن بعدين اتعودت و صرت احب الوحدة ...
و كانت برضو فترة الدراسة في عمان من اجمل و احلى ايام عمري ....و في الي كتير اصدقاء بتمنى هلا لو اشوفهم و اسمع منهم ..
خلصت دراسة و بلشت بالحياة العملية ..و الحمد لله الامور من احسن ما يكون ..
طبعا في امور و حاجات كتيرة لكن ما بدي اذكرها ...
المهم هلا انا بشتغل باجهزة الحماية و المراقية ...بيع و تركيب و صيانة اجهزة الانذار و كاميرات المراقبة ...
و هلا من جديد ... اسسنا محطة انذار مركزية متخصصة بمراقبة اجهزة الانذار يلي بتتركب في المحلات و المنازل
و هي الثانية من نوعها في المملكة ... محطة في عمان اسمها الصقور الساهرة ... و محطتنا اسمها الكاشف السريع ...
و هي مربوطة مع غرفة عمليات النجدة ...يعني خطوة كانت كبيرة وقفزة نوعية ..و انشاء الله بتنجح ...
اهتماماتي ..
بحب الشعر ..بحب االف الشعر ..ما بحب اقرا لشعراء ... بدور على الصعوبة دائما ... ما بحب الشي السهل ..يعني بحب اتعب لحتى
احصل على الشيء ... يعني انا بروح للشيء ما بحب يجيني هو ...
طبعي ...
الصراحة انا ما بعرف انا بطبعي مرح .. ممكن في امور تكون جدية بضيف عليها شوية مرح ...
جدي ... نعم جدي في الامور الجدية و حازم بحب اوضح للشخص اللي امامي وين مواطن خطاوه ...
لدرجة انهم مرات بتهموني اني بعيد الشغلة اكتر من مرة و انا بعرف ليش ...لاني بكون معصب كتير ..
الغباء ... ما بحب الاغبياء ..و لا باي شكل ... ولا بحب اتعامل معهم او اناقشهم ...لانهم بفقعوا مرارتك بلا فائدة ...
عصبي .... جدا جدا جدا جدا جدا جدا جدا جدا ..لدرجة اني بصير ارتعش .. و رجلي و ايدي بنملو .. و ما بعرف شو بعمل
ابوي الله يرحمو غير شبابيك الابواب كلها لاجلي و حط بدالهم الواح خشب ..
لما اكون زعلان ما بحب حد يحكي معي ... و كتير زعلت ناس من ورا هاي الشغلة بدون قصد ..
ناخد استراحة ؟؟؟؟؟؟؟؟؟؟؟؟
فاصل و نعود
ظلكو كاعدين