[بنت فلسطين المجروحة]

اشراقة الشمس

عندي كم سؤال

اهلين تفضلي حبيبتي

1-ما هو طموحك بالحياة ؟؟

اني اعمل كل اشي بقربني من ربي،، اني ارفع راس اهلي ، اني اكوَن اسرة واربي اولاد ينفعوا امة الاسلام واني ارجع لبلادي

2-اذا اردتي ان تبكي على من تبكي ؟؟

ببكي عالناس وعهمومها وعهالظلم والهوان اللي احتا فيه

وببكي عنفسي لاني ظلمتها كتير

3_ما اجمل موقف مر في حياتك ؟؟ وما اصعب موقف مر في حياتك ؟؟

اجمل موقف لما امي حكتلي اني انا الوحيدة بين اخوتي البارة بماما وبابا وانهم راضيين عليي وفرحانين بيي من اعماق اعماق قلبهم

اصعب موقف : لما بابا بكى على عمي بجد صعب لما تشوف ابوك يبكي وهو مصدر الامان الك بتحس انو الراحة والامان اتاخدوا منك

4-هل نظرتك الى الحياة جميلة ام قبيحه وهل الحياة بنظركي طويلة ام قصيرة وما هي اجمل مرحلة في حياتك ؟؟؟

الحياة مزيج من الجمال والقبح ،، قصيرة ولازم الواحد يلحق حاله ليرضي ربه ،، اجمل مرحلة مابعرف والله لكل مرحلة ايجابياتها وسلبياتها بس يمكن مرحلة الطفولة كانت احلى المراحل

5-كم كان عمركٍ عندما صومتي رمضان للمرة الأولى ... وكيف كان شعورك ؟؟

5 سنين ،، ماكان في شعور لانو كان نيتي اخد فلوس من بابا ،، كان بابا بشجعني اني لو صمت غير يعطيني فلوس ههههههههههههههههههه،، مصلحجية انا

6-ما هي طبيعة صفاتك/شخصيتك ؟؟

خجولة ،، مش اجتماعية ،، بحب كل الناس ،، دبلوماسية ،، بكره الظلم والظلمين ،،

7- من تحبين اكثر امك ام اباكي ؟؟

والله الاتنين بحبهم كتير وموت الله يخليهم الي يارب ولا يحرمني منهم

8- هل انتي سعيده بكونك مشرفه ؟؟ وهل ترين انها مهمه سهله ام صعبه ؟؟

بكوني مشرفة ممم لا عادي لاسعيدة ولا حزينة ،، لاني انا جربت الاشراف والادراة بموقع تاني

ممم عادية ،، المهم تكون عندك الافكار والوقت

9- كم تقضين من الوقت على النت ؟؟

ممم يعني بحكم الدراسة بدات فهيخف دخولي ويصير المعدل من ساعة لـ 3 ساعات بالكتير

واخيرا ارجو ان لا اكون قد اتعبتك بأسألتي وما رأيك بأسئلتي ؟

لا ولا اتعبتيني ولا اشي

واسئلتك لزيزة

ارجعي اساليني