بســم اللـه الـرحمن الــرحــيم
الســلام عليــكم و رحمــة اللــه وبـركـاتـهـ . .
فــي مرة تـلاتـة مساطيل ،، الأول قال أنا لو معايا فلوس أشترى نص الكرة الأرضية ..
والتـاني قال أنا لو معايا فلوس أشترى النص الأخر ..
والتـالـت رد وقالهم مين قالكم أني هبعيلكوا ..؟؟!
مرة 3 تلاميذ تأخروا عن الحصة الأولى ، ولما وصلوا المدرسة ،،
قالت لهم المعلمة أنتوا كنتوا فين ؟ الأول قال أنا ضاع منى الخاتم بتاعي ،
التــاني قال وأنا كنت بدور معاه ،،
فسألت التــالــت وأنتــا كنت فين..؟! قلها كنت دايس عليه !!.
مدرس بيقول للتلاميذ اكتبوا ورايا ذهب محمد إلى مصيف بلطيم يوم الأربعاء
فطالب سأله لو سمحت يا أستاذ هي الهمزة علـى السطر ولا على الألف ،، سكت المدرس شوية
وبعدين قالـو خلاص يا ابني خليها الخميس ..
واحد واقف أمام محل عصير ومعهوش غير 25 قرش قال اشرب عصير ولا اركب الأوتوبيس ..؟؟!
لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست ،، لو راجل مش مشكله ،،
لو ست يا هتبقي حلوه أو وحشه ،، لو وحشه مش مشكله ،، لو حلوه هطلبها للجواز ،، لو رفضت مش مشكله ،،
لو وافقت هدفع لها مهر وشبكه وهتخلف عيال ياخدو فلوسي ويطلعوا عيني ،، وعلي إيه مشرب عصير أحسن ..
واحد في الامتحان مش عارف يحل ،، والامتحان كله صح و غلط ،، راح مطلع بريزه ولعب ملك و حــلّ الامتحان
و خلصـو في نص ساعة ،، راح مطلع البريزة تاني ليه ؟؟؟ علشان يراجع ..
واحد غبي معاه 150 جنيه. قاعد يقسمهم ويقول 50 جنيه للسكن ،، 50 جنيه للأكل ،، و50 جنيه للبانجو ..
الباب خبط ،،
- مين ..؟؟!
- افتح بوليس ..
راح مقطع الخمسين جنيه بتاعــت البانجو..
مره 2 فشارين بيفشروا على بعض ،، الأول قال أنا كنت في الغابة وجالى أسد شافني اتخض آم ميت ..
قال التـاني يا خرابي وأنا كنت في الصحراء جالى تعبان جريت منه ورا الباب ،،
الأول آم قايله مفيش باب في الصحراء ،، وبعدين قال التـاني استخبيت فوق الشجرة ..
قاله مفيش شجر في الصحره ،، التانى قالــو عاجبك كده اهو أكلني ..
(( بتمنــى إنـهم يكـونوا عجبــوكو ،، وشكــراً ))