منتديات شباب فلسطين - قوانين الطبيعة ,,والله بتصير

بسم الله الرحمن الرحيم

أهم قوانين الطبيعة

قانون الحلاقه :

اذا رحت على الحلاق اول ما تجلس على الكرسي تقول شعري ما يحتاج الى حلاقه .

قانون الاصطفاف :

إذا صاف في طابور بطيء وقمت غيرته، طابورك اللي غيرته فجأة

يصير يمشي أسرع من اللي انت الحين فيه .

قانون التلفون :

عمرك ما تتصل على رقم غلط ويطلع مشغول .

قانون التصليح:

بعد ما إيدك تتزيت وتتوسخ من الشحم ودهن الماكينة، خشمك يبدأ يحك .

قانون المعدات :

إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه .

قانون الأعذار :

إذا تأخرت عن الدوام وقلت لرئيسك أن كان عندك بنشر، اليوم

اللي بعده بتبنشر من صج .

قانون المسبح:

بعد وضع جسمك في الماء، يبدأ التلفون يرررررن وما يسكت .

قانون الالكترونيات : إذا أخذت جهاز عند مصلح تبي توريه انه ما يشتغل، حزتها

يشتغل أحلى كلام .

قانون السينما :

اللي حاجزين كراسي في النص لازم يجون آخر ناس ويدوسون على رجولك .

قانون القهوة :

أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك .

قانون المصادفات :

إذا كنت مع واحد أو وحدة ماتبي حد يشوفك معاهم، فجأة كل

اللي تعرفهم يطلعون من كل مكان .

!!! قانون الأقساط :

إذا عندك سيارة أو طراد أو أي سلعة مطلوبه للأقساط،،،

مجرد أن تنتهي الأقساط تخترب .

قانون الزواج :

بعد شهرين من زواجك ... يسألونك ها في شي بالطريج ؟؟؟

!! قانون نهاية الأسبوع :

وأنت نايم يوم الجمعة حد النومه تدز أمك أخوك

الصغير يغثك لمن تقعد عشان غدى .

!!! قانون المعاش :

آخر الشهر لازم كل العزايم والهديا والطلبات تزيد حبكت

قانون الطقس :

لازم بنهاية الاسبوع وانت حدك متحمس بتطلع عحدائق أو تروح البر مع الصحاب يصير الجو هوى واغبار وحر وارطوبه بمعنى ثاني الفصول الاربعه بيوم واحد

قانون البحث :

إذا حبيت تدور شي معين(ما تلقاه).... مع انك كنت كل يوم تشوفه مقابل وجهك ؟؟

و أخيرا قانون النقل :

خلاص خلصت قراية الموضوع بترجع ترسله وبتمسح يلي كاتب الموضوع كـأنك انت الى سويته او بتنقله وبتحط اسمك نفس ماانا سويتعلى حساب انه مو منقووول هههههههه

في امان الله