اول شي بتروحوا تشتروا جاجة .. بتنظفوها وبتغسلوها منيح منيح وبتركبوها على الغاز وبتستنوا حتى تغلى ولما تغلى بتحطوا معلقة ملح كبيرة وبتضغطوها لمدة 10 دقائق ..
بتقلوا بطاطا وزهرة وباذنجان حسب الرغبة طبعا ..
بتحمروا الجاجة بالخبازة ازكى مو زاكية لما تنقلي قلي ..
هلء بدنا نجهز الرز :-
طبعا بنكون ناقعينو بالمي
بنصفي المي عنو ونضع كمية من العصفر وشوي من الشعيرية حسب الحاجة
ونضع معلقة صغيرة من الفلفل ومعلقة صغيرة من البهارات ..
منحضر الجاجا في اسفل الطنجرة ومن ثم نضع البطاطا والزهرة والباذنجان ثم نضع الرز وشوربة الدجاج
ملاحظة:- كل كاسة رز تحتاج الى كاسة ونصف من شوربة الدجاج
ثم نضع الطنجرة على الغاز
بعد ان ينشف الماء عن الرز منكفر الطبخة بمعلقتين سمنة ثم دقيقتين ونطفأ الغاز
الملوخية :-
ما بقي من شوربة الجاجة منضعه على الغاز ثم نضع فوقه الحاجة من الملوخية
نفرم قليل من الثومة ومنقليهم بالسمن ثم نضيقهم للملوخية ثم نضع قليل من الليمون كمان حسب الرغبة
نتركها على الغاز حتى تنضج جيدا
وصحتين وعافية
ع فكرة مو ضروري تكون هدي هيه الطريقة الصحيحة للملوخية بس انا هيك بطبخها وبوكل صحني كلو
جربوها الله بعينكم بس صدقوني الملوخية زاكية ايش ما كانت ..