|
العمليات ال......شو؟؟؟؟؟.........
مرحبا ، كيفكوا اليوم ؟!
حابة اطرح موضوع للنقاش يلي كتيييير انطرح بيننا سواءا في المحاضرات (وخصوصا المحاضرات يلي بكون فيها المحاضر يهودي) وكمان بين صاحباتي لما نكون مجتمعين ....... وكنا دايما نفوت بدوامة ونتناقش بشكل حااااااد جداااا بتأمل يكون في نقاااااااااش بالموضوع...... مع انو البعض بعتبرو مفروغ منو .... الموضوع هو: شو رايكو بالعمليات التفجيرية المتفرقة ، يلي بقوموا فيها المقاومين الفلسطينيين ؟؟؟ بتأيدوها والا لع ؟ يمكن من اول مرة تأيدوها عالاكيد فهي تمثل وسيلة دفاع عن الشعب الفلسطيني . .. زي ما بالزبط انا كنت ائيدها ، بس لما صار حدث خلاني اتراجع واعيد النظر والتفكير بالموضوع .... والحدث الي صار انو مرة (قبل حوالي 4 سنين) صارت عملية تفجيرية بالخضيرة، والخضيرة مدينة بسكنوها يهود، بس قريبة عالبلدان العربية الي بمنطقة المثلث كتير، وكتير بتواجد فيها عرب خصوصا انو المؤسسات الي بحتاجوها موجودة بالخضيرة... المهم واحد من ضحايا هالعملية كان ابن بلدي، كان وقتها الدنيا رمضان...... بعد ما صارت هاي العملية بطلت متل اول ائيدها عن عمى، وصرت اطلع عالقضية باكتر من زاوية...... وكمان تنسوش انو الي بموتوا بهاي العمليات بكونوا اطفال وامهات..... مع انهم عم يبيدوا بالشعب الفلسطيني بدون ولا ادنى اعتبار مين رح يكون الضحايا.... واحدى الاراء السديدة الي كانت تنطرح لما كانت تثار هاي القضية انو انتبهوا على اسم هالعمليات، مرات بحكولها عمليات انتحارية، ولما شككوا فيها دينيا (على اعتبارها انتحار..) صاروا يحكولها العمليات الاستشهادية ومرات العمليات التفجيرية. الاشي الي بظهر عدم اتفاق تام عليها.......... بتمنى تناقشوا الموضوع بموضوعية تامة ...... وانا رح اطرح رايي بعدييين ..... |
رد: العمليات ال......شو؟؟؟؟؟.........
شوووووووووووووو؟؟؟؟؟؟؟؟؟؟؟
على ما يبدو بتحبوش تخوضوا في هيك نقاشات؟؟؟؟؟؟؟؟؟ والا النقاش بتطلعوا عليه وكأنوا مفروغ منو (بالزبط متل ما كنت اطلع عليه؟؟؟؟؟؟؟؟) |
رد: العمليات ال......شو؟؟؟؟؟.........
سلام لالا ...... و عفكرة انا كمان من عرب ال 48 .. :icon31:
بالنسبة للموضوع اللي طرحتي موضوع مثير للجدل بشكل كبير .. بس متل ما قلتي ممكن البعض يعتبروا مفروغ منو .. انا ضد القتل الارواح البشرية بشكل عام .... بس انتي حاولي اطلعي عاليهود و الصهاينة و شو عم يعملوا بالشعب الفلسطيني ...ابتداء من النكبة و ااهانة و الذل و التهجير و سلب حق العودة مرورا بكتيييييير امور و قتل و ابادة في الضفة الغربية و القدس و انتهاء بغزة .. الحصار و من ثم القتل قتل الابرياء من اطفال تحديدا من دون رحمة .. و بالاخر يقولولك بدنا ندافع عن ارضنا .. ارضهم اللي شردوا اهلنا منها وحنا ساكتين .. صدقيني اللي بيروحوا بيفجروا حالهم هذا حسب رايي حل خاطىء جدا ...... لعدة اسباب اهمها انو في عرب كتيير في الداخل .. ممكن لا سمح الله يكون اي عربي موجود وقت الحادثة مثل ما صار لما تم تفجير كافتيريا بجامعة اسرائيلية فيها كتييير عرب .. و اكيد في حل تاني غير التفجير النفس .. مع اني ما بلوم الفلسطينين ولا عاشي عقدام اللي بنشوفوا في الاعلام .. يعني اللي راحت كل عيلتو شو يعمل ؟؟ بس برد و بقول . لا حياة مع اليأس . واحنا بالايمان اقوى ... وانا ضد القتل و التفجير ..... لانو في عرب كتير و اخيرا الانسان يكون مظلوم احسن بكتيير من انو يكون ظالم .. و شكرا عالطرح و يا ريت يكون في نقاش اوسع .. |
رد: العمليات ال......شو؟؟؟؟؟.........
ماروكو، اول اشي اهلين فيكي...... منورة..... ييييييييي لو تطلعي هسا من نفس المنطقة الي انا ساكنة فيها. يحكي لو تطلعي من نفس البلد........ييييييييييي..... اهلا وسهلا فيكي والله.....
عكل حال انا من نص منطقة المثلث....... تاني اشي، بدي اتشكرك كتيييييييييير على خوضك في النقاش....... لانو.... في كتييير تساؤلات طرحتيها بتشبه كتييير التساؤلات الي عم تدور براسي.... مرات بصير احكي طيب هدول الي بفجروا حالهم، مرات بكون الضحايا نصهم عرب ومش بعيدة يطلع بعرف حدا من الي ادى لموتهماو تربطو فيهم علاقة قرابة......... بعدين في شغلة حكتيها بأيدك فيها كتير انو انا كمان ضد خسارة الارواح البشرية لو كان من اكبر اعدائي..... بس كمان احنا كفلسطينيين ما بنغدر نضلنا ساكتين ونتفرج عالمجازر الي ترتكب بحقنا، يعنيفش بني ادم طبيعي بشوف كل هاد وبضلو ساكت، اكيد رح يصير يغلى من جوى ويرد فعل اي فعل مهما كان بس المهم انو يبدي مواجهة، ويمكن العمليات التفجيرية؟/ الاستشهادية؟/ الانتحارية؟..... هي اضعف الايمان في سبيل المواجهة...... بس كمان لازم تكون بالشكل الصح، ازا اليهود "نازلين بالشعب كسح" بقتلوا كل كبير وصغير، احنا مش لازم نكون مصاصي دماء متلهم ونقتل الكبير والزغير ، يساري او يميني متطرف. وبقصد بالطريقة الصح انها توجه هاي العمليات والضربات لجهات محددة متل الجيوش والجنود الاسرائلية الي بشكلوا خطر مباشر عالشعب الفلسطيني، او متال تاني مع انو تقيل شوي، متل ما تم تفجير مدرسة لليهود المتدينين بالقدس، يلي بربوهم على ابادة العرب بالبلاد وانو مالهمش لا ارض ولا اشي هون، ويلي عالاغلب رح يكبروا ويكونوا مصدر بعيش على دماء الفلسطينيين..... بس الصعوبة هون انو تروح تحكي هاد الحكي لفلسطيني راحلو كل اشي، عيلتو قرايبو بيتو...... بعتقد ما في قوة رح تردعو او توقفو، ورح يكون مستعد يبيد اليهود كلهم كطائفة......... بس المصيبة انو هالحقد الي عاشوا هالفلسطيني الي فجر حالو رح يظهر كمان عند مواطن يهودي عادي مسالم جدا، متلا ام يهودية مات ابنها بتفجير، كمان رح تحمل نفس الحقد والغل بانها تبيد الشعب الفلسطيني كلو لو يصحلها....... وهيك منضلنا بدائرة مغلقة من الحقد من الجانبين....... بس كمان الي بحكي من بعيد مش متل الي عايش الاشي بكل تفاصيلو .....وبغدرش الوم حدا....... وبالنهاية، انا هاد رأيي الشخصي....... بس المبين انو هاي قضية شائكة جدا بس لفلسطيني ال48، ويمكن بالنسبة لفلسطيني ال67 قضية تافهة مفروغ منها، فش اشي الي يتناقش فيها....... وبالاخر الله اعلم...... وتحياتي.. لالا-فلسطين 48. |
رد: العمليات ال......شو؟؟؟؟؟.........
لالا_ انا مش من المثلث . انا من الشمال لفوق اكتر شوي ... اسا انتي بأي جامعة بتتعلمي ؟ في عندي كم من استفسار بصفتي راح ابدا اول سنة جامعية !! :)
|
رد: العمليات ال......شو؟؟؟؟؟.........
اهلا وسهلا فيكي، والله انا يا ماروكو قصتي قصة، سجلت بجامعة تل ابيب لموضوع بكون التاني في سلم اولوياتي، ومع اني انقبلتلو....... وبلشت بالاجراءات مع الجامعة متل كورسات الانجليزي الاعفاء (פטור) وكان بس ضايلي ادفع حجز مقعد وابلش دراسة......
بس ما بعرف صار انقلاب وبعدين فوتت على مسار الممتازين (מסלול מצוינים)، بوحدة من الكليات بموضوع بشبه كتير الي كنت مسجلتلو في الجامعة، على اساس اني اكمل الموضوع يلي بدي اياه من الاول بنفس الجامعة (تل ابيب)... بس لقب تاني (תואר שני-m.a)........ بس هيك صار....... واي استفسار اهلا وسهلا فيكي بكل سرور، لاني كنت بالسنة الي تريحتها بعد التانوية حاسة حالة ضايعة باختيار الموضوع والجامعة... يعني حاسة فيكي.... اهلين يا بنت بلادي!!! |
رد: العمليات ال......شو؟؟؟؟؟.........
السلام عليكم هالموضوع حساس بالفعل بس ما أبي اخش عالفتاوى انو حلال ولا حرام بس انا أئيد هالعمليات التفجيرية وبكل جوارحي وكياني بس بشرط ؟ انها تكون بين المجتمع الاسرائيلي فقط!!!! كيف؟ يعني يجب على المجاهدين تحري الاماكن التي لايتواجد فيها العرب مثل عرب 48 وغيرهم يعني تكون العمليات في الاماكن التي يوجد فيها مستوطنون فقط فقط والسلام وتقبلوا مروري هذا رأيي الشخصي والله أعلمٍِ |
رد: العمليات ال......شو؟؟؟؟؟.........
ابو العز اهلين فيك ويسلموووووو على رايك واكيد منتقبلو شو ما كان.......
بس سؤالي لالك بتأيد كمان ينقتلوا اليهود مع شرط: انهم يكونوا من النوع الخطير متلا يهود يمينية متطرفين الي بربوا الاجيال انو ما في ارض للفلسطينية هون، وعلى قولتهم: "ارض بلا شعب لشعب بلا ارض"....... بالزبط متل اعلب اليهود المتدينين ويكونوا جنود يهود........ والا بدون شروط المهم انو يكون يهودي حتى لو انو مواطن عادي ومع التعايش والسلام يعني يساري عالاخر؟؟؟؟؟؟؟؟؟ بتأمل اسمع ردك؟؟؟؟ والف شكر لالك.. من... لالا-فلسطين 48. |
رد: العمليات ال......شو؟؟؟؟؟.........
اقتباس:
|
رد: العمليات ال......شو؟؟؟؟؟.........
صراحة موضوع لازم احكي فيه رايي
لانوا بشوف صار عند البعض شك في مسماها وفي ايضا الشباب الي بيتفذوها اولا هي لا مسمي لها غير العمليات الاستشهادية او الفدائية اما المسميات الاخري مثل الانتحارية ومش عارف شو فهذا كله هراء ليس من الصحة نحكي هكذا نحن الفلسطينيين يعني مشان تعطلت مصلحة لشخص من ورراء هذه العمليات الاستشهادية خلاص صرنا نقول انها تستهدف المدنيين اليهود والنساء ومش عارف شو وبعدين انا اري في تشكيك في الشباب الي يعملوها بااختي هؤلاء الشباب لا يريدون شي من الدنيا غير مرضاه الله يعني هوا مش حياته جحيم لهادرجة مشان يروح يموت او يفجر نفسه هؤلاء الاشخاص بتكون حياتهم احلي حياة وعايشين احلي عيشة بس في ناس بفكروهم حياتهم حجيم مشان يروح يموت او يفجر نفسه هذه مسالة عقائدية في عقيدة الانسان ولعلمك يا اختي لو هاد الشخص الي بفجر حاله في في نيته لو ذرة واحدة انوا بدو يرتاح من هالحياة او حياته مش عاجباه او الموت احسن ما بوخد اي اجر من ربنا في الاخرة واصلا هاد الي اليهود بدهم اياه منا او نصير نشكك في هالعمليات وبيصيروا يصوروا النا انوا الي مات اطفال ونساء وناس عزل وبعدين الي استشهد او مات في هاد العمليات يعني هاد قضاء من ربنا يعني الدنيا مش هتتوقف هون مشان مات ربنا كاتب هيك والله يرحمه وكيف يا اختي انتي بتشوفي كل يوم الحواجز والاذلال في هالشعب حقيت اهل الضفة او الداخل يكون حقدهم علي اليهود اكتر ناس لانوا هما الي بشوفوا اذلال هالشعب الي بيصير واخر فترة اكيد شفتوا صور الدمار الي في غزة والاحتلال ما كان يفرق بين صغير وكبير وكان يقصف المباني علي ساكنيها وقتل الاطفال والنساء وكان معظم القتلي من الاطفال والنساء واكيد كلكم شفتم الي صار وبعد كل هاد نقول الي بموت من اليهود مدنيين انا طولت في الرد لانوا الموضوع لازم يكون الرد هيك وبصراحة استفزتني بعض الردرود ومدي التهاون الي احنا عايشينه وارجو ما يكون كلامي يزعل احد |
| الساعة الآن 10:29 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas