|
قصيدة غزل شامية لا هيك الغزل لا بلا
:icon26:
بحبك حب الشباك للبرداية ، بحبك حب الأرنبيط للكوساية ...! بحبك حب الشلمونة للكولاية .. بحبك حب الطشت للكبجاية..! بحبك حب الزيت النباتي للمئلاية .. بحبك حب الجرابات للصرماية ..! لك بحبك حب سلاحف النينجا للبيتزاية ...!!! يا ريت تكوني شخبرة .. وكون أنا المحاية... يا ريت تكوني بريات .. وكون أنا البراية... يا ريت ما تحطيلي زء .. لما كون أنا جاية...! بحب ضحكتك يللي متل صوت المعزاية ....بحبك حب الدؤونية لللهاية... بحبك حب المألمة للشنتاية .... يا ريت تكوني عوجا وكون أنا العرباية.. يا ريت تكوني طربيزة… وكون أنا كنباية .... يا مدلوئة حياتي وشعيبيات عمري ووربات بئشطة روحي ... يا أحلى زبدية محلاية... بحبك حب الريموت للتلفزيون... بحبك حب درفة الباب للمندلون.. بحبك حب بنت اختي الفصعونة لسبيس تون... بحبك حب أبو السوم للطابة.. بحبك اذا كنتي متنحة أو حبابة.. بحبك حتى لو كان صوتك متل موتور الدبابة.. سمعيني شوي لحتى احكيلك الأصة... يا ريت تكوني حنفية مي عم تشرشر ... وأنا بعصّا.. نشالله ما يبلا هلطول ... متل عرئ الفصة... لك يا ريت تكون معي هيكة كمشة بزر وأعطيكي نصا بحبك حب منير الجبان لكلمة صباح الخير... بحبك حب جهاد سعد لبرنامج خبرني يا طير... لك بتسدئي ؟؟ بحبك حب جورج بوش لتوني بلير...شه.... بحبك حب الزلائط للمعؤوود....بحبك حب بيشو لأبو الفوود... بحبك حب السعادين للقرود... بحبك اذا كنتي ساكتة أو عم تحاكينا... بحبك حب ابن اختي الفصعون لبوظة كارينا...بحبك حب البردآن .. للكرمنتينا ...! حاجة بأه جننتينا!!!!! |
رد: قصيدة غزل شامية لا هيك الغزل لا بلا
بحبك حب منير الجبان لكلمة صباح الخير...
-- هههههههههههه يسلمو اختي رووعة الله يحفظك |
رد: قصيدة غزل شامية لا هيك الغزل لا بلا
اقتباس:
والله هاي قصيدة شعر اسمعتها بحياتي هههههههههههههههههههههههههههه يسلمو ههههههههههههههههههههه |
رد: قصيدة غزل شامية لا هيك الغزل لا بلا
بحبك حب جورج بوش لتوني بلير...شه....
بحبك حب الزلائط للمعؤوود....بحبك حب بيشو لأبو الفوود ههههههههههههه مشكوررررررررررر |
رد: قصيدة غزل شامية لا هيك الغزل لا بلا
ان شاء الله تكون عجبتكم مواضيعي
|
| الساعة الآن 08:07 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas