|
سلبيات المنتدى للمناقشة (....)
اعزائي واحبائي ..
هلأ المستوى الفني للمنتدى عم ينزل شوي شوي .. بالضبط متل السفينة اللي عم تغرق ببطأ .. من اكتر من ناحية ومن اكتر من نقطة .. في اعضاء كتير راح يقولو ..لان الاعضاء المهمين والمحبوبين متل ومتل ومتل .. راحو وتركو المنتدى .. ممكن يكون هاد صح .. بس بضل الاعضاء الجدد اللي عم يجيو ما عندهم روح ايجابية كتير للعطاء وما عندهم هالجدية في التواصل .. يمكن لانو ما عندهم خبرة او لانو سنهم صغير وهالنقطة ملفتة للنظر .. هالمنتدى بالذات كل اعمار الصبايا والشباب تحت العشرين الا ما ندر .. وفي اسباب تانية .. ممكن نفتح باب الحوار الحر .. ولكم وفير الشكر .. :s (43): |
رد: سلبيات المنتدى للمناقشة (....)
موضوع حلو يا حسام يعطيك الف عافية
وبما انى بعتبر حالى من الاعضاء الجدد راح اسيبكم شويه تعلقوا من وجهة نظركم وبقدر اقول محجوز إذا ما فى مانع |
رد: سلبيات المنتدى للمناقشة (....)
موضوع مهم
مستوى المنتدى ما بيتأثر بعوامل الطقس ولا الاسعار ولا شي المنتدى بأعضاءه انا بشوف انو كتره عدد الاعضاء الصغار بالسن بيفقد المنتدى جديته وثقافته انا طبعا مش ضد وجودهم بالعكس لكن بالنهايه كل فرد الو تأثير ايجابي او سلبي بالاضافه لأهتمامات الاعضاء يعني في ناس بتفوت بس لحتى تتفرج على منتدى الصور او على منتدى الانترنت والكمبيوتر وهالشي بيأثر على باقي الاقسام وبيصير في اقسام حيويه واقسام كتير ممله ومافيها جديد واخر نقطه واهم نقطه وهي المواضيع المنقوله بالحرف الواحد يعني للاسف احيانا بشوف نفس الموضوع تكرر بنفس الاسبوع لأكتر من مره بالاضافه لكثره المواضيع يلي بتنزل بدون اي فايده بس لحتى تزيد عدد المشاركات وبس ،،،،،، شكرا |
رد: سلبيات المنتدى للمناقشة (....)
ما بعرف
اكيد في سلبيات مافي شي بالحياة مافي الو سلبيات بس بالنسبة انو الاعضاء الي تحت العشرين كتار كتير بيرجع لعدة اسباب يمكن هالسبب الي بخلي الاعضاء القدامى يبعدو لانو الافكار غير طريقة طرح المواضيع غير التفاهم كمان بين الاعضاء راح يكون غير يعني مسلا اليوم لحالو نئلت وحذفت شي 10 مواضيع لنفس العضو ما بعرف بنزلو المواضع تسلاية ولا شو قلبل كتير لحتى موضوع يلفت نزري وارد عليه اول ما سحلت بالمنتدا كان بعدو في اعضاء اكبر من 20 وكان في مواضيع وافكار احلى حتى بطريقة طرح الموضوع انا مو ئصدي انو لازم تكون كل المواضيع هادفة لا لازم نغير جو ونتسلى وننبسط بس كمان المواضيع التافهة كتيرة غير هيك بعتئد انو في بالمنتدا رقابة زايدة وهادا حئهم لانو المنتدى اسلامي ممكن كمان يكون سبب بابتعاد الاعضاء بس برجع بحكي حئ الادارة لانو هاي قوانين المنتدى هادا الي خطرلي هلاء برجع ازا خطرلي شي تاني مشكور حسام |
رد: سلبيات المنتدى للمناقشة (....)
اقتباس:
في السن يعني انتي عم تحكي عن 11 و 12 و 15 .. الصراحة حرام نظلمهم في شي .. لانو ما بقدرو يعطو ولا يبدعو في شي في هالسن الصغيره .. انتي لو رحتي على المنتديات الفلسطينية تحديدا التانية راح تلاقي شباب وصبايا ناضجين .. بين ال 20 وال 30 اقل شي .. بس هون ما بعرف ليه هيك .. |
رد: سلبيات المنتدى للمناقشة (....)
|
رد: سلبيات المنتدى للمناقشة (....)
اقتباس:
انا عم حس هلأ انو ما في جدية وروح ايجابية في المنتدى على القليلة متل قبل يعني لما سجلت فيه مجرد اعضاء سنهم صغيره كتير ( 11 و 13 و 15 ) عم يلفو في المنتدى بدون هدف ولا طموخ ولا شي .. من هيك فكرت انو اروح ع منتدى اقل ما فيها الاقي حدا اتفاهم معو نحكي نتناقش في شغلات بمستوى سنا الناضج نوعا ما .. انا مش ضد الضحك والمزح بس حتى في هالنقطة بدها فن واسلوب .. مش هيك ومتل ما قلت في منتديات فلسطينية كتير عنجد بتفتح النفس انو تشاركي فيها .. بتحسي في شباب وصبايا متل جيلك وعمرك فاهمينك وفاهماهم .. انا مش عم احكي على الرقابة لا هاد مش مهم نمط طرح المواضيع ومستوى التفكير يالله عنجد كليا مختلف .. في فرق لما شب ناضج يتعمد يمزح او ولد صغير هاد مستوى تفكيرو .. هالمنتدى محتاج اعضاء ناضجين بشكل معقول لحتى يبدعو فيه متل قبل .. بس هيك المستوى عم ينزل انا اول ما سجلت فيه كان معقول ومحبوب وكنت مبسوط فيه بس هلا اوفر الحقيقة .. مع انو في اعضاء كتير بحبهم وبحب اتابعهم ونفسي ازا رحت اي منتدى يكونو موجودين متلك ومتل ليال وحورية والحجا زركا .. ورأفت وهالشباب .. |
رد: سلبيات المنتدى للمناقشة (....)
اقتباس:
مزبوط بس حئيئة ما جربت منتدا تاني كتير فكرت اترك هون لانو بتمرء فترة من الفترات لملل بزيد عن حدو وما بكون في شي جديد بس تعودت على العالم هون وحبيت الي تعاملت معهم وصحيح متل ما حكيت طريقة المرح والاستفادة كمان بتكون غير النا رجعة اكيد مشكور مرة تانية |
رد: سلبيات المنتدى للمناقشة (....)
تعلـــــــــــــ لا ـــــــــــــيق !
|
رد: سلبيات المنتدى للمناقشة (....)
امممم الموضوع كثير مهم اناتقريبا لي شي 3 شهور بالمنتدى وطبعا الايام الاولى عن تسجيلي بتختلف كثير عن هلأ صحيح انو تعرفت على ناس و الله ما في زيهم بس بيضل لي تعليق على انو المتندى مش زي الاول يعني ايام ما اتسجلت اولا فيه كثير اعضاء مميزين غابو عن المنتدى و كنت بتابعهم كثير و كانت مواضيعهم بتخلق نقاش غير شكل بس هلا هم مش موجودين ثانيا يعني نحنا مو لازم نظلم الو سنهم صغير يعني الصغير بيضل الو تفكيرو و عالمو الخاص فيه وهون دورنا نحنا لحتى نساعدهم في تطوير مهاراتهم ان كانت لنا نحن القدرة على دلك اولا اخيرا لا ننكر تواجد اقلام رائعة جدا و لها حضور مميز جدا في المنتدى و بها الحياة اكيد اي واحد بتجيه فترة فتور و هيك حال المنتدى يعني يمكن الاغلبية مشغولة بامتحانات تخرج ااو اختبارات و اي ظرف يعني الخلاصة مافيهايجابيات من غير سلبيات تقبل مروري أخي |
| الساعة الآن 08:07 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas