منتديات شباب فلسطين - حياة المواطن الأردني ...

حياة المواطن الأردني ...
راتبه الشهري 200 دينار وبصرف 500 دينار كيف بعرفش !!!
متابع خطوط الموضة خط خط واللوك الخارجي قبل كل اشي ..
فطور يوم الجمعة فول..حمص وفلافل والغدا يامقلوبة يا منسف ..
نص السيارات بالطريق بسوقها بنات !!
اللي بربح جوائز البنوك دايما واحد منتف ,من وين عندو رصيد مابعرف !!!
دايما فاضحين الفقراء المستورين على التلفزيون , قال بدهم يمدو يد المساعدة !!
كل أب عندو ثلاثة في الجامعات واحد في ابعد جامعة حكومية واثنين في خاصة ..
فاتورة الكهربا ثلاث ارباعها قيمتها ما إلو دخل في الكهربا !!
تسعين يوم بالصيف بقضيها بالأعراس والمناسبات
لازم تعمل رحلة لو مرة في السنة يا لوادي شعيب يا لدبين وباقي الرحل المحلية للحدائق ..
كل عيلة فيها واحد أو أكثر مغترب يافي الخليج يا في أميركا ..
مافي مدرسة بنات إلا حوليها ألف شب ..
كل مواطن معو خطين موبايل , فاست لينك أساسي والتاني لبعد الساعة 11 و ولا واحد فيو رصيد !!لأنو الرصيد بينحكى فيه دفعة وحدة ..
اذا انسألت عن اسم فنان اردني مابتتذكر إلا عمر العبداللات !
مشجعين القدم ياوحدات يافيصلي
سهرات الصيف كلها عالبرندة اللي على الشارع
كل الدنيا بتحسدنا على عدد عطلنا عشان هيك شطبو نصهم !!

وصباح الخير يا وطني الجميل ....