|
حيرة لأبعد حد
انا مش عارفة شو بدي اكتب او كيف ارتب كلامي بس بدي اعرف ارائكم بهاي الشغلة كتير ضروري:
لو كان عندك شخصين كل واحد اغلى من التاني يعني ما بتقدر تستغني عن ولا واحد منهم لانهم متل عيونك صعب تتخلى عن عين من عيونك بس المشكلة انو كل شخص فيهم اناني وبدو اياك إلو ، وانت محتار لانك بين نارين وما بدك تخسر ولا واحد فيهم ، استخرت لله بهاي الحالة بس ما صار معاك اشي ولسه بالحيرة والوقت ضيق كتير والنفسية بالمرة ، شو الحل بهاي الحالة ارجو من كل من يدخل على هالسطور انو يبدي رأيو بشكل جدي وبكلام منطقي وواقعي بدون مواعظ لانو المشكلة مش سهلة وايلي بيحكي مش زي ايلي حاسس وعايش بهاي المشكلة انا اسفة على الإطالة بس بلييييييييييز احكو رأيكم ضروري |
رد: حيرة لأبعد حد
السلام عليكم ...........اختي الكريمة .......... اول شي لازم تعرفي انو صلاة الاستخارة ما بتخللي الحيرة والقلق يروحو بل راح تبقي حيرانة لكن انتي اسألي وابحثي وحاولي تسألي ناس الها تجربة وخصوصا الكبار بالسن وحاولي تقارني بين سلبيات وايجابيات الاثنين واختاري اللي بتكون ايجابياته اقرب الك من التاني واهم شي تكوني موكلة امرك لله عز وجل وصدقيني ما راح يخيبك وربنا يوفقك ويفرج امرك وسامحيني على الاطالة |
رد: حيرة لأبعد حد
انا مريت بنفس التجربه هاي.. وقتها كتير احترت وسمعت كل الي حولي بس روحت جبت ورقه وكتبت كل واحد ايجابياتو وسلبياتو.. واعدت اقارن والي ايجابياتو اكتر اخترتو.. غير هيك عنجد ومن وحده امجربه.. اخدت بنصيحه الوالده لانها بدها مصلحتي وشايفه يمكن اشياء انا مش شايفاها.. انا هادا رائي.. والله يوجهك للخيار الصحيح.. واستخيري الله تاني وتالت لا اتوقفي الاستخاره.. الله يوفقك |
رد: حيرة لأبعد حد
الزعيم والحلوة القصة مش ايجابيات وسلبيات لانو هالشخصين ما بقدر اختار بينهم يعني بين نارين فعلا وانت حياتك بلا واحد منهم مشكلة كبيرة بس كيف بدك تقنع واحد من هالطرفين انو يتنازل شوي ؟؟؟؟بدي اشد شعري من التفكير خلص الواحد انهلك وتعب
|
رد: حيرة لأبعد حد
حبيبتي يا اجمل احساس
الحكايه بيلزمها هدوء وتفكير برويه الواضح انو هالشخصين كتير قراب منك ومافيك تستغني عن حدا فيهم وصعب كتير كمان تختاري من بينهم انا بحكيلك امسكي العصا من النص وحاولي ترضي الطرفين وخليك دايما عم تسمعي صوت عقلك قبل قلبك وكوني واثقه من نفسك واختياراتك وربنا يكون معك حبيبتي المهم انك تفكري بهدوووووء |
رد: حيرة لأبعد حد
والله يا اختي الكريمة انا شايف هيك انو تفكيرك مش صحيح يعني الحل بالاول والاخر ترك واحد من الاتنين واذا كانت حياتك بدون واحد من الاتنين مشكلة كبيرة فحياتك مع الاتنين هي المشكلة الاكبر يعني ترك واحد من الاتنين مشكلة صغيرة بالنسبة لوجود الاتنين بحياتك فالاولى والافضل ترك واحد من الاتنين ،، صحيح راح تتعبي لكن تعب عن تعب ومع الزمن كل شي بيتغير. وانتي حاولي تسألي ناس عندها تجربة،او ناس كبار بالسن وربنا يوفقك ويفرج همك والله لو بايدي حل المشكلة ما كان قصرت معك ،لكن اكتر م هيك ما في عندي ربنا يوفقك |
رد: حيرة لأبعد حد
تختاري فيهم اللي تحسيه اذا اخذك يكون لك وفي ومستحيل يتركك ببساطه
والله يوفقك ....................بس اعطينا خبر على اللي صار معاكي.................. |
| الساعة الآن 07:11 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas