|
الارجيلة والاقبال المتزايد عليها من كلا الجنسين في عالمنا العربي
الارجيلة والاقبال المتزايد عليها من كلا الجنسين في عالمنا العربي حبيت اخد بعض الاراء عن هالموضوع وبالذات بعد ارتفاع عدد المقاهي في بعض من العواصم العربية وازدياد عدد المرتادين لها وخاصة الجنس الاخر بشكل كبير ومتسارع زي ما كتير منا بيعرف صارت الارجيلة شيء من الاساسيات في الحياة ولا غنى عنها عند كتير من الناس يعني لازم يروح كل يوم على المقهى ويسحب راس وراسين او يطلبها للبيت اذا ما كان عندو وقت والمشكلة انو بنشوف الشباب والصبايا كل يوم عن يوم بزيدو اكتر كأنها صارت موضة ولازم الكل يجربها. ياريت ناخد آرائكم حول الموضوع سواء اللي بأرجلو أو اللي ما بأرجلو بس اللي بأرجلو يحكولنا نوع المعسل اللي بيفضلو. |
رد: الارجيلة والاقبال المتزايد عليها من كلا الجنسين في عالمنا العربي
لاحول ولاقوة الا بالله
الدنيا صارت خربااانة وهيك انت حكيتها صارت موضه الكل بدو يجربها ويمشي فيها |
رد: الارجيلة والاقبال المتزايد عليها من كلا الجنسين في عالمنا العربي
الموضوع كالعاده يا اخي مجرد تقليد اعمى وحب في الظهور واثبات الذات
انا بصراحه مابعرف شو المميز في انو الواحد يشيش او يأرجل لكن بالنهايه بيضل هالشي مظهر من مظاهر الفساد الي انتشرت بعالمنا العربي واذا كانت الشيشه سيئه في يد الشاب فهي والله أسوأ في يد الفتاه وانا ضدها للطرفين لما تحمله من ضرر شكرا لك |
رد: الارجيلة والاقبال المتزايد عليها من كلا الجنسين في عالمنا العربي
اممممممممم
صراحة انا بأرجل بس اكيد يعني مو عادة يعني مرات تجمع الاهل وئعدة كبيرة بصير فيها اراجيل بس يعني مو تقليد اعمى لانو الارجيلة عربية والاجانب اخدوها عن العرب هلاء اكيد هية مضرة بالصحة بس يعني بسال حالي شو المتعة فيها ما بعرف بالنسبة الي بحب ريحتها وما بعرف جوها بحسسني بجو العيلة يمكن لانو تعودت تكون موجودة بتجمعاتنا العائلية بالنسبة الي يعني ما بعمل من ورا اهلي يعني ازا بارجل هالشي بكون ئدام الاهل مشكور على الموضوع |
رد: الارجيلة والاقبال المتزايد عليها من كلا الجنسين في عالمنا العربي
لا اكيد انا ضد
لانو الارجيله فيها تهلكه للنفس والمال والصحه ويلي هيه مو ملكنا انما هي امانه عندا ولازم نصونها ونحافظ عليها بلا ما الله يعاقبنا بحرمانا منها واكيد ان ضدها وبقوه يعطيك الف الف عافيه خيو ع الموضوع تقبل مروري |
رد: الارجيلة والاقبال المتزايد عليها من كلا الجنسين في عالمنا العربي
انا ضد الارجيلة لانها شي مضرة بالصحة وبعدين لما تنتقل من تم واحد لتناي بيكون صراحة شي بقرف وكتير ناس ماخدينها على اساس انها عادات وما بحبها للرجال زمان كانو يحكو شوفي هاد الرجال بارقل ما بيعرف صحتو وين هالقيت بقولو شوف هديك حامل بتارقل بيحكو واذا |
رد: الارجيلة والاقبال المتزايد عليها من كلا الجنسين في عالمنا العربي
الحمدلله لا بابا ولا اخواتي بحبو الارجيلة ومستحيل اجربها يوم (( مرة سحبت سيجارة وطلعت روحي كيف الارجيلة !!!))
بس بحب ريحة المعسل هههههههه المهم انا ما بشجعها لانها اخطر من الدخان يعني امراض × امراض الله يهدي جميع العرب اللي بأرجلو سلامو |
رد: الارجيلة والاقبال المتزايد عليها من كلا الجنسين في عالمنا العربي
يعني مابعرف ...بابا بيأرغل وكتيييييير بعرف بنات او حريم كمان بس صراااااحة وما احد يزعل السورين كتير (ياويلي) بس الاشي الي بقهر انو صارت تنعطى حتى للصغار ((يمكن في منكم شاف برمضان برنامج خواطر وكانو حتى للولاد الصغار يعطوهم))ومشكووووووووووووور خيو على طرحك للموضوع |
| الساعة الآن 06:05 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas