|
المرأة ودراسة الماجستر
السلام عليكم ورحمة الله وبركاته
هالموضوع من فترة كنت بتناقش فيه انا وصحباتي وحابة اسمع آرائكم اكيد فهالزمن البكالريوس ماعادت كافية والدراسات العليا للمعرفة وتحقيق الذات صارت من الامور الضرورية هاي من ناحية الشب لكن عالبنت في بعض الاراء المخالفة هل صحيح انه دراسة الماجستير بتاثر عمستقبل المرأة كـ"زوجة" يعني في ناس بتشوف انو اللي بتدرس ماجستير مابعود يعجبها اي عريس وبصير شرطها انو يكون من "مستواها الاكاديمي" لحتى يقدروا يتفاهموا وحتى اهلها ممكن ينظروا للموضوع من نفس المنظور وفي ناس بتشوف انو اصلا هالبنت مارح يتقدملها اللي حامل البكالريوس (وهم اغلب شباب الوطن) لانه مش من مستواها من ناحية العلم والزلمة مابحب مرته تكون متعلمة اكتر منه هالحكي بواقعنا لاي مدى صحيح ؟ وهل شهادة المرأة بتأثر عمستقبلها ؟ من باب انو اسمى اماني المرأة هي الزواج والانجاب سمعونا آرائكم ^^ |
رد: المرأة ودراسة الماجستر
والله لسة من يومين ناقشناه بالجامعة أنا وصحباتي ... رح احكي رأيي اللي حكيتلهم ياه ,,, من طموحاتي اني اكمل تعليمي ماجستير ودكتوراه ان شاء الله .. بس طبعا يكون بموافقه الزوج ومو عحساب بيت الست وأولادها وقصة انو ما بحبها تكون متعلمة اكتر منو والله في منها كتير ,,, قريبتي معها دكتوراه وضلت ما يعجبها هاد ولا هاد وهي صار عمرها 31 سنة ولساتها مو متزوجة حواء يجب ان تكون أسوارها منخفضة قليلا ^^ تحياتي الك بنت فلسطين عالمواضيع المتميزة |
رد: المرأة ودراسة الماجستر
اقتباس:
بس لنفرض انك اخدتي شهادتك قبل الزواج هتفرق فنوع اللي بتقدموا الك من الخطاب؟ او برايك ما هتفرق ؟ وانا بعرف بنت كمان كملت ماجستير ومايعجبها لاهاد ولا هاد شرطها يكون ماخد ماجستير او اعلى وهيها صارت 28 وماتزوجت.. شكرا لمرورك فراشة :s (43): كل الود |
رد: المرأة ودراسة الماجستر
لا طبعا ما حيكون الماجستير سبب لأني ما اقبل بحد اقل مني .... المهم يكون بيخاف الله واخلاقة منيحة ,,, اما اتشرط فهاد مستحيل لاني حطيت هدف قدامي اني اكمل دراستي مشان احقق طموحي مو مشان اتعجب عالعالم ... وأمنيتي اصير دكتورة بالجامعة ^^ يارب |
رد: المرأة ودراسة الماجستر
هالحكي بواقعنا لاي مدى صحيح ؟
مممممممممم اول شي مرحبا كيفكـ ياعسل موضوعك بيجنن متلك:s (43)::s (43):مممممم للاسف صحيح هادا الحكي في كتير صبايا هيك بتصير نزرتهم للي بتئدمولهم بعد مايكملو ماجستير ئال يعني بحسو حالهم صارو شغله وبدهم مين يليئ بالمستوى يعني بنغرو بتعليمهم والي وصلولو اكيد مش الكل بس الاغلب .... مممم انا بالنسبه الي والله ياريت اكمل للماجستير بس يعني انا جامعه وبالزور مش مني بس من اهلي :icon5::icon5:حلو البنت تكون متعلمه وواعيه عشان تئدر تربي اولادها على العصر الي عايشين فيه وهل شهادة المرأة بتأثر عمستقبلها ؟ من باب انو اسمى اماني المرأة هي الزواج والانجاب يعني يمكن لأنها حتتأخر لتتجوز او تخلف بس ممكن تكون متجوزه او خاطبه وتكمل ازا عندها اصرار ورغبه بتكملـ ولو انها صعبه تسلمي يائمر عل الموضوع:icon26: |
رد: المرأة ودراسة الماجستر
اقتباس:
بس انا قصدي من ناحية المجتمع ،، هتتغير او لأ ؟ :s (43): |
رد: المرأة ودراسة الماجستر
اقتباس:
هلا فيكي تسلمي عمرورك :s (43): |
رد: المرأة ودراسة الماجستر
انا بالنسبة اللي التعليم عند المرأة مهم وجداا كمان والماجستير ما بأثر على مستقبل البنت يعني درست 4 سنين وقفت على سنتين بالعكس البنت المثقفة والواعية رمز مميز (( هادا حكي ختاير انو بأثر على نصيبها )) لأنو الزواج قسمة ونصيب وانا من البنات اللي بحبو يكملو تعليمهم لدرجة الدكتوراه ازا مكن في حكي كتير بس خير الكلام ما قل ودل سلام |
رد: المرأة ودراسة الماجستر
انا بالنسبة اللي التعليم عند المرأة مهم وجداا كمان والماجستير ما بأثر على مستقبل البنت يعني درست 4 سنين وقفت على سنتين بالعكس البنت المثقفة والواعية رمز مميز (( هادا حكي ختاير انو بأثر على نصيبها )) لأنو الزواج قسمة ونصيب وانا من البنات اللي بحبو يكملو تعليمهم لدرجة الدكتوراه ازا مكن في حكي كتير بس خير الكلام ما قل ودل سلام |
رد: المرأة ودراسة الماجستر
اقتباس:
حبيبتي اكيد كل حد بحب يكمل بس مو هاد اللي بسال عنه انا بسال لو اجاكي عريس اقل مستوى تعليمي ،، هل بتتقبليه؟ |
| الساعة الآن 10:32 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas