منتديات شباب فلسطين - جولة في وطن ..

منتديات شباب فلسطين (https://shabab.ps/vb/index.php)

- نبض فلسطين (https://shabab.ps/vb/forumdisplay.php?f=54)

- - جولة في وطن .. (https://shabab.ps/vb/showthread.php?t=75670)

جولة في وطن ..

خاص لموضوع تطليع المراره

جولة في وطن..

بقلم: أسماء أبوالرب

من قال احنا ع العادات كبرنا

حنا أصايل وعزتنا بنخوتنا

..
صحاب كلمه وما نهاب المنيه

ساحات المجد تتغنى بقوتنا

..
والإيد وحده والغايه هي وحده

ع سوار القدس رح نرفع رايتنا

..
ان كانت غزه والا ان كانت ضفه

كل شبر فيهن محسوب بذمتنا

..
ويا بن جنين والرايه مرفوعة

حتى الجنين ع مجادك رح يوعى

،،
مخيم جنين رح يبقى أسطورة

جندل .. طوالبه يا رمز البطوله

..
ويا بن عرابه الـْ عِزتها محفورة

ع جْدَار القلِب ومعلقة صورة

،،
يا رفْيق الدرب في سلمي ونضالي

وبرقين المجد وجلبون الأبيه

..
ويا بن قباطيه وغارة ورا غارة

الحجر قصدك يفهم بالإشارة

،،
يا بن قباطية وصورة على صورة

يا ريحة الأرض ويا ري الزيتونا

،،
قباطيه المجد يا ام الفدائيه

فهودك سودا ما تهاب المنيه

،،
رائد زكارنه نياله ويتهنى

بسيرة نضاله تشهدله العفوله..
ومن الخليل ومن غمزات كروما

كل فلسطين تشهد ع البطوله

،،
ع مر سنين شو شربت كروما

من دم الشهدا تا احمرت خدودا
..
وجبال النار لو تحكي بتحكيلك

قصص الثوار بترفع فيها جبينك

،،
نابُلس النار وانطلقت شرارة

حرقت البادي والبادي صهيونا
..
وصلت اخبارها للقدس ورام الله

ويا فدائية وين ع رام الله

،،
ثاروا الثوار وحلفوا ليهدوها

كل الدنيا وما يخلوا صهيونا

..
ومن بيت لحم مسلم ومسيحي

من بعد المسجد مروا ع الكنيسة

،،
وتعاهدوا وان فرقهم دينا

يلتم الشمل ع حب فلسطينا

..
ويا سور عكا الـْ صاروا خلفه حبابي

لاعبر الوادي ماشي على كعابي

،،
واوصل عتابك واكسر البواب ِ

وكله لعيونكـ يرخص فلسطينا

..
حيفا النضال يا وصية أجدادي

بعدا الغصون بتنده ع الجداده

،،
لاعبر الشط وبصوتي لآنادي

وين فلسطين تلقى هالحبوها

..
وعلى غزة رح أطلع مسيرة

وبخبر عاجل لاطلع ع الجزيرة

،،
ويقولوا فلان من وادي لوادي

لعيون غزة وصلها بجنازة

رد: جولة في وطن ..

واو كتير حلوه ..

نايس

سو نايس ..

يسلمووو دياتكـ ..

و الله يعطيك الف عافيه ..

:)

رد: جولة في وطن ..

يعطيك العافيه حج اسمراني اخ منو
تحيتي لك
سلامووز

رد: جولة في وطن ..

اقتباس:

..
ويا بن جنين والرايه مرفوعة

حتى الجنين ع مجادك رح يوعى

،،
مخيم جنين رح يبقى أسطورة

جندل .. طوالبه يا رمز البطوله

..
ويا بن عرابه الـْ عِزتها محفورة

ع جْدَار القلِب ومعلقة صورة

،،
يا رفْيق الدرب في سلمي ونضالي

وبرقين المجد وجلبون الأبيه

..
ويا بن قباطيه وغارة ورا غارة

الحجر قصدك يفهم بالإشارة

،،
يا بن قباطية وصورة على صورة

يا ريحة الأرض ويا ري الزيتونا

،،
قباطيه المجد يا ام الفدائيه

فهودك سودا ما تهاب المنيه

كتييييييييييير نايس خيو اسمراني

بس هاده احلى مقطع

يسلموووووووو

رد: جولة في وطن ..

اقتباس:

المشاركة الأصلية كتبت بواسطة blue-girl (المشاركة 986449)

واو كتير حلوه ..

نايس

سو نايس ..

يسلمووو دياتكـ ..

و الله يعطيك الف عافيه ..

:)

ميرسي خيتوو

ما ننحرم من هالطله

رد: جولة في وطن ..

اقتباس:

المشاركة الأصلية كتبت بواسطة الزمـ أزعر من هذا ـان (المشاركة 986451)

يعطيك العافيه حج اسمراني اخ منو
تحيتي لك
سلامووز

ميه هلا

منور يا الورد

رد: جولة في وطن ..

اقتباس:

المشاركة الأصلية كتبت بواسطة فلسطينيه والراس مرفوع (المشاركة 987049)

كتييييييييييير نايس خيو اسمراني

بس هاده احلى مقطع

يسلموووووووو

منوره خيتوو

رد: جولة في وطن ..

اقتباس:

ويا بن جنين والرايه مرفوعة

حتى الجنين ع مجادك رح يوعى

،،
مخيم جنين رح يبقى أسطورة

جندل .. طوالبه يا رمز البطوله

روووووووووووعة

عن جد يسلمو ايديك عمو اسمراني

رد: جولة في وطن ..

كتييير
كتييير
حلووووة

يسلمو ايديك

رد: جولة في وطن ..

اقتباس:

خاص لموضوع تطليع المراره

ههههههه ما أنا استغربت أول موضوع الك في

القسم دائما مشاركات ... ^^

الموضوع روووعة

منووور القسم بأول موضوع الك ...

ربي يسعدك