منتديات شباب فلسطين - ليش بنحب بيت لحم...

منتديات شباب فلسطين (https://shabab.ps/vb/index.php)

- الــوآحــة الـعــآمّــة (https://shabab.ps/vb/forumdisplay.php?f=4)

- - ليش بنحب بيت لحم... (https://shabab.ps/vb/showthread.php?t=73542)

ليش بنحب بيت لحم...

> لانه في بيت لحم الواحد بتطلع من الكوفي شوب عشان تروح ع مطعم و بالعكس
> لانه في بيت لحم ما بتحتاج لموعد مع اصحابك لانك كل يوم بتشوفهم
> لانه في بيت لحم اطيب ناس
>لانه في بيت لحم المسجد والكنيسة جنب بعض وزي ما بتسمع الاذان بتسمع الاجراس
> لانه في بيت لحم اول واحد بهنيك في رمضان وعيد الفطر والاضحى صاحبك المسيحي
> لانه في بيت لحم في عيد الميلاد والفصح اول واحد بيهنيك صاحبك المسلم
> لانه في بيت لحم ممكن تفطر فلافل وتتغدى اكل صيني وتتعشى بيتزا ايطالية
> لانه في بيت لحم بتعيش احلى شتا و بتصيف احلى صيف
> لانه في بيت لحم احلى شباب و ألطف صبايا
> لانه في بيت لحم بتشوف الناس رايحة على شغلها الصبح وطالعة تسهر بالليل
> لانه في بيت لحم بتكزدر في الشارع الجديد وبتاكل بوظة من رمزي برغر(اماكن مشهورة بمدينة بيت لحم)
> لانه في بيت لحم اول ما اتروح عند صاحبك بدخلك ع المطبخ وبطعميك من اكل بيتهم
> لانه في بيت لحم الكل متواطئ على سماع فيروز الصبح
> لانو في بيت لحم الجو هادىء ومسالم
> لاني لو مش من بيت لحم لتمنيت اكون منها

تحياتي
نرسيس:icon15:

رد: ليش بنحب بيت لحم...

و تحيا فلسطين و بيت لحم

يسلمو عالموضوع الحلو

رد: ليش بنحب بيت لحم...

يسلمو ايام على مرورك
تحياااتي
نرسيس

رد: ليش بنحب بيت لحم...

شكــرا كتيــر..

:)

رد: ليش بنحب بيت لحم...

شكرا يا مرام على مرورك
وباتمنى يكون اعجبك الحكي
تحياااااتي

رد: ليش بنحب بيت لحم...

اول شي بشكرك على الموضوع ووصلتي شو هي بيت لحم للناس
وهي كتير منطقه جميله وهناك توحد ما بين المسلم والمسيحي
ما بتحسي انو في فرق بينا وايضا وهناك احترام متبادل بينا
ايضا في رمضان هناك الحياة حلوة بين اخوانا المسحيين والمسلمين واحترام حتى في بعض العائلات بتصوم معنا احترام للمشاعرنا هاد شي كتير حلو

رد: ليش بنحب بيت لحم...

احلا بيت لحم والله ... وان شا الله بزورها وبزور القدس بديش ازور غيرهن بالضفة .. بس القدس وبيت لحم واطلع

وشكرا كتير عالموضوع وان شا الله بتتحرر فلسطين كلها

رد: ليش بنحب بيت لحم...

هلا عيون الفتح الحزينة شكرا لمرورك وبعدين ما في احلى من الاخوة والالفة بين الناس بمختلف الطوائف والجنسيات
وانت مجدلاوي فايع شكرا كتير لمرورك وبعدين راح تنور القدس وبيت لحم بجيتك لهون
وحابة احكيلك توقيعك جداااااااااااااااااااااا حلو
تحيااااتي

رد: ليش بنحب بيت لحم...

هههههه يحلي ايامك يا رب عيونك الحلوة والله

ويلا خلينا نشوف توقيعك كيف بدو يكون ان شا الله يكون صبابة

رد: ليش بنحب بيت لحم...

بيني وبينك مش عارفة كيف اسوي التوقيع
بس مش مشكلة
وانشالله راح يكون حلو
تحيااااتي